Popular Bible Verses from Roma 9

Share

Allahdi, aupu pepka deiki di kael kemnupe. Allah er dipapu bokra wediseryada, er dipapu, ‘Anesala men poptapkamne’ tenen, bicau tenepra, nun mali keca kaukemserya deiki dipu wediserure. Nimi sun kange dipu putarepa, pel dopetepmenga deiki di epseredi men wediserure. Allah dipapu bicau teneserya deiki di, wepra lyemdoserure.

Nundi, “Allah mali kurure,” pepra Allah tep, er nong deiki, mali upu men peptepe pepmasena deiyoda ake. Ada, Allahdi Musa tep pepu upu ake. ‘Allahdi, “Gume, tuai mutu neitamai kunge nesala yumada, tali poptaptene dinin, ton nengda sun mali kunge keca tep kaukepnedi, gum kupra derinune. Ton nengda, wenepra portamnune. Ange utopu, ne tenenetopu, ton nesala tep, bicau tenepra melimnune. Tonda, ban-ban yuma kunge nesala neitamai di, gume, ton nesalada wepnedi upu lepsisikra bongdina deiyo ngebo ne pua,” Allahdi Musa tep pepu.’

Ange asipetepnetum dinino, sun tep tamupra pepsene. “Gume, sunda tali tuai nesala kuruma cadi, Allah tep ware kuprap, asipeteptumdi, er tep wenemna upu peptum do?” Nabi Yesayadi sekeiamutopu, aupu dopra, sun tep pepsene. Erdi seku upuda ake, ‘Allahdi ketekeipupa, tali akure keca yala-yala yumadi, akeca-keca yuma ketekepra deiamnga Deiyo Ngebo Allah tep, “Kanda warya tep, ne kunetopu ketekepra deipnemum do?” pepra, wenepmemetu do? Gume, angeda men kupmanto.’

Allahdi aupu pepka tep nengeda, nun kaele. Allah er kange dipapu teneseretopu, ton nesalada, portamna gum di, bicau tenepredi, melipra lyemdorure. Dinino, er teneretopu yuk nesalada, ‘Sun kange dipru gat kunkamre’ tenen, kunungna deiyo keca kareredi, ‘Anesala sun dipru gat kunkamre’ tenen, kunungna keca kareredi, anesala sun dipru gat kemdirure.

Ange utopu, ne Paulusdi ukupmanto upu ton pepkusene. Kerah tu telemna deiyo ngebodi, tenpu tu dopropredi, bokra ton tara ngeda, urasin pio telep mambul keca kumupra telep kupra deipredi, uku dongoprepa kalapredi, gat kurure. Dinin, atu telepropapu neitamai bokra ton tarada, tali kecapu telepra kumudirure. Utopu atu neitamaipu ton tara ngeda, tamrure. Erda, tu kumudina deiyo ngebodi teneretopu kurure. Atu telemna cap, apel dona cap, deiyo ngebo kurura cadi, er teneretopu kurure.