Popular Bible Verses from Markus 6

Share

Amendada, nesala yuma dana-dana tara di, sun kori, yanapna, benapna kemaipane, Yesus cap, er nyapu 12 neng capdi, pel pio weik donmaiya tep, ataruda jen keca jen taruda, go pio gum tep, jen keca men jepmai. Ukunmaiya tep, Yesusdi wepra deiamu neng tep, “Sun aneng dakunmangepane, ne cap, sun cap, nunpu nimi kuna gumai bena beipye peingbenkupe,” pepu.

Ukupi pangeda, Yesusdi akati wekmai neng yuma tep pepu. “Allah er upu cap, Allahdi amenda kupkamre keca cap tep lap penge nabi neng, yuk mutu bengopda, yuk nengdi sun upu gekepra, kange deipra gispal donung dinin, sun pe yala neng cap, sun pe ati neng cap, sun pe mutu neng capda, gispal men domengedi tamnunge,” pepu.

Gapung co lukra derirbeidi, Yesus tuai kwerepkopda, nimi denge pio weik wekmai nengda epu. Epudi, awekmai nengda, nimidi peiramenge dombada, sun apu bo meneng damai men kuryopda, ‘Ortara benkun do, atara benkun do?’ tenen, kange wang-wang perepa, tenimtoramengtopu, anesala peda ukunmai. Uda, anesalada, ‘Ware ngebodi telep upu peterepsetupa, dumsisipu kunkamep do?’ tenen, tenimtona cap, koudana cap kunmaiya tep, Yesusdi aneng tep bicau tenepudi, aupu yala-yala weik peteremau.

Yesus er mutu sisa nengdi, er tep dabal kupya tep, amutu neitamai yumada, nimi men kupmanto pel ton men doramu. Tenpu ngeda, pu jeramu nesala metekanun Yesus epudi, er buru sun nong deiki deipudi kwetepu. Ukupu dinin, sun Nasaret mutu neitamai kurami neng yumadi, teka men tenepya tep, Yesusdi aneng tep, mambul kange doupudi, ‘Uo,’ tenepu.

Konum buki pangeda, Yesus er nyapudi, roti pamu bari cap, mekina butene cap karepkamai ngeda doprapudi, im deiki dipetepudi, Allah tep “Telepe,” pepudi, aroti kwanengda toprapudi, er nyapu tep karepu. Er nyapu 12 nengdi, ‘Abukmai neng tep karepkununga’ tenen, karepu. Tonda, amekina butene sekra, er nyapu karepupa, abukmai neng tep, aroti kwaneng cap, amekina cap bokra karenmai. Er nyapudi abukmai neng tep, akeca bokra karenmaiyanen, karepipa doprapidi jenmaipane, konum boupkopda, kwal tapmai ngeda, dopda-dopda peprapidi, dopra tenpai deipi. Yesus er nyapu 12 nengdi bulupra kipra deipmai ngeda, ila alen utopu keca, er sida bakul ilange, 12 deiamya cadi kipra deipi.