Popular Bible Verses from Markus 10

Share

Aupu pepmasenada, mesum tep men pepsene. Deiyoda, ne Nimi Mi Sisa Utopu Ngebodi, ‘Ne pe putapnere keca tep nesala yumadi makunkamneng’ tenen, men yasi. Ange gum dinin, nedi, ‘Nesala yuma, sun putapre keca makunkamne’ tenen, yasi. Neda nesala yuma sun dipruai di, mali teneramenge keca cap, mali kuramenge keca cap tep, ‘Allahdi aneng wenepra poprur’ tenen, ne popnengepa depnyadi, nimi giso karena utopu kupnedi sekronkamne. Sun deramrumnge cap, yuk neng denkamenge yuma cap tep, yo pununa tep depkamne.” Yesusdi pepu.

Asimdanmaipa, Yesus aneng dipterepudi tamupra pepu. “Nimi puto deiki di men kupmanto keca tep men kuptenge. Dinino, Allah er dipapu mali neng pe, telep neng pe kanam dipu lyemrure. Akeca-keca yumada, Allah er puto weik kurya deiki dipapu kanampu kurure. Erda, ikine men kuptue,” Yesusdi pepu.

Upepupa, Yesusdi tamupra pepu. “Ange tep nengeda daberume. Kanda, ne tep teka tenepmanerema deiki di, kan asuru konum kwetepmakene,” pepu. Yesusdi upepupa, ataru dipapu, angebo er asuru telep kupupa, akeca-keca yuma epudi, Yesus bisi banmaupa, Bartimeus amenda dombeu.

Ange tep nengeda, Allahdi sun nong tenpu keipu ngeda, nimidi wilipra yuk-yuk derinada, pio mali.” Yesusdi sun Farisi neng tep pepu.

Upepupa, Yesusdi angebo tep epudi bicau kupupa, aupu pepu. “Mambul keca tenpu tapmumada, kan talepmum keca yuma dopra yuk neng damai bena co bo kunupmemdi, tali kankan kunge nesala yuma tep, karepmem dingeda, ne upu gekepra domyankamnerume. Ataleamum keca kunupra kankan kunge nesala karepmem pangeda, Allahdi telep menenga keca im deiki deiamkerepa dopropkamreme,” Yesusdi pepu.

Yaupa, Yesusdi angebo tep pepu. “Kanda, ‘Ware kupra deipnetu’ tenen, putapkerpa, moropmanerem do?” pepu. Upepupa, asuru puamu ngebo Bartimeusdi tamupra pepu. “Naio, ne asuru di akeca-keca yuma dina tep putanerure,” pepu.

Sun anengda ukunung dinino, ne nyapu sunda, ange utopu men kunkamrume. Ne nyapu sunda ukunkamrume. Sun awekmarum neng neitamai di, ware ngebo do, ‘Ne telep ngebo kunkamne,’ tenepre ngeboda, dipru bounpu kupredi, er kayapu neng, sun amngai bukredi, sun kange mun kupre keca tep makunkamre.

Ne pio tek sisi upu pepsene, yambul nyapudi sun kange dipru bouna di kungedi, du neng upu gekepra kuramengetopu men kupmumnyopda, Allah lyepredi men talenkamsere. Anyapu kungetopu men kunge nengda, teka men teneptengedi, Allahdi nesala weik sun dipru taleprepa kunkamengaida, men wektenge,” Yesusdi pepu.

Ukutaru nimi deiyo neng kepra kuramenge nengda, amendada amnge kupra deipkamre. Utopu, ukutaru amngai kunge nengda, erepra nimi deiyo neng kupra deipkamre,” Yesusdi er nyapu tep pepu.

Allahdi akeca-keca yuma ketekeiamu taruda, nimi cap, nerapu cap, ketekeipu. Ange tep nengeda, tenpu ngebodi er ner dopre taruda, er nai cap, er nin cap tapra, er dopre nerpu kikiman dukdongopra kurerunge. Sunpu kikiman kurerengedi, dipru dukdongopra nong tenpu utopu kurerunge. Ukurenga tep nengeda, sun yuk-yuk men kurerunge. Sun kange cap, nong cap, dipru cap yuma dukdongopra tenpu kurerunge.