Popular Bible Verses from Matius 26

Share

Peteruso, kurpeten keca deiki di, mali kupruma tep, ‘Neda mali kupnun’ tenen, kange moupra didamemdi, Allah moronapu kunkamrume. Kan dipru neitamaida, ‘Ukuptene,’ tenerum dinin, kanda puto gum cadi, men kuptume pepkene.” Yesusdi Peterus tep pepu.

“Ne dipru ikin kupmanerpa, pio mambul kange doupmana tep, ne dipru pu jepmanerdi, depmanto kupmane. Ne dipru pio pu jenmanera cadi, ne dipru kwa dimna tep, meneng damai acapu, mana gum, buknapu kupkamarume,” pepu.

Upepu dingeda, er yambul karenai beudi, genepdongopra gutam tu dipdongopudi doka dourbeu. Doka dourbeudi, ‘Ne popnengepa depkaman ngeda, Allah kandi lyepnetuopda men deptene’ tenen, ikin kupupa, Allah moronmau. Allah moronmau taruda, aupu penmau. “Ne nai Allaho, ne ikin kupnerepa moronmaken ngeda, ne popnengepa, donmanyanen, depkaman taruda, ‘Kandi lyepnetumpa, ange men kupkamneng’ tenen, moronmakene. Dinino, ne putanmanerpa, tenepnedi moronmakena utopu gume. Kan men di teneamnemuma utopu kupkunerume,” Yesusdi upepra moronmau.

“Anggur me karepkusen ngeda, ne yapi embenkamnera utopu kurura tep, dopra jepso. Ameda ne yapi utopu kurure pepmasena tep, katuai lap pepkusene. Ada, Allah men di, ‘Nesala weika di lyepnedi sun dipru talenkamne,’ pediramseutopu, tek sisi ne popnengepa, ne yapi embenkamre. Ne yapi embenkamrada, tali tep gume. Ada ne yapi embenkamnerada, tali tep gume. Ada, ne yapi embenkamnera deiki, nesala ban-ban yuma, sun mali kuramenge keca cap, mali teneramenge keca cap tep, Allahdi gum kupra deipseredi, kaukepkamsere. Ukunkamra deiyoda, ne yapi embenkamnera deiki di, nesala weika di lyepredi, sun dipru pio talenkamre,” Yesusdi pepu.

Yesus cap, er nyapu 12 neng cap, jen jenmai dinin, nena gum roti jepkoi taruda, Yesusdi aroti kwaneng dopra, Allah tep, “Telepe” pepu dingeda, aroti kwaneng topra, er nyapu tep bokra karenmau taruda, aupu penmau. “Aroti kwanengda, ne nong utopu kurura tep dopra jepso,” penmau.

Amendada, Yesusdi anggur me mau tenpu gwepra, keteneipmaunge buru deiki dopudi, Allah tep, “Telepe” pepu dingeda, er nyapu yuma tep ‘Amau tenpu di jepra embankamang’ tenen, er nyapu tep karepudi, aupu penmau.

Moropu dingeda, er nyapu weneri neng kunmaiyaipu tamupra beudi, mapnapu kupmaipa epu. Epudi, Simon Peterus tep aupu pepu. “Simono sunda mapnapu kupmarum do? Sunda men kupmanto tep, tenpu keteng mana gum di, ne dipru kwa dimna tep men melipmanerum do?

Upepu dingeda, aupu ton pepu. “Ne tek sisi pepsene, ataru di gonga kepra, doryankamre taru neitamai yumada, ne cap, sun cap, anggur me ton cap pio men jenkamne dinin, Allahdi er weiamu nesala lyepredi, anesala cap, akeca-keca yuma cap, talenkamre taru konum kuprepa, nun yuma im deiki wekamep tarupuda, anggur me ka di ton cap jenkamne.” Yesusdi pepu.

Ayamdi gapupu pangeda, adipapu, Yesusdi Peterus tep arup taru pepmau upuda, Peterus ka di ton cap tenepu. Tenepudi, ‘Uo, Yesusdi, “Jem ayam u butene kapul men gapupmare taru di, ne tep, ‘Angeboda ne walwale,’ pepra, u weneri deiki di iniptapkamanereme,” pepmanutopu, ne konum kupne,’ tenepu. Utenepudi, er dipru pio ikin kupupa, aneng acapu tapra, bura tara bena, ila di engenmau.

Ange tep nengeda, sun bukra gamapmumpa, nun yuma benkupe. Ne nanap kemne ngebo konum yakanmare,” Yesusdi pepu.

Ukupupa, Yesusdi aya doupmau ngebo tep pepu. “Kan parang yada, ka tamupra ya kin keca pumbonpu kipo. Ya doupmenge nengda, ya di popmengepa depkamenge.