Popular Bible Verses from Matius 18

Share

Dan mutu do yuma, ne tep teka tenepnemumdi, ne si deiki di bulupmum pangeda, ne peda sun kunkamrumaipu kikiman kunkamne. Ne cap tonpa kunkamepe. Tonpa kunkamepa tep, sun Allah moronkumum taruda, nimi butene neng kange tenpu tenepra, moropmum pangeda, ne nai Allah im deiki kurur ngebo gekepseredi, sun moropmarumutopu makunkamsere.” Yesusdi wepra deiamu 12 neng tep pepu.

Dan mutu do yuma, ne tep teka tenepnemumdi, ne si deiki di bulupmum pangeda, ne peda sun kunkamrumaipu kikiman kunkamne. Ne cap tonpa kunkamepe. Tonpa kunkamepa tep, sun Allah moronkumum taruda, nimi butene neng kange tenpu tenepra, moropmum pangeda, ne nai Allah im deiki kurur ngebo gekepseredi, sun moropmarumutopu makunkamsere.” Yesusdi wepra deiamu 12 neng tep pepu.

Upepra asipetepipa, Yesus sun bukmaiya kan-kan di, metek mi tenpu upupupa, yau pangeda, Yesusdi ametek mi dopra, tekra deipudi, aupu pepu. Ne pio tek sisi pepsene. ‘Nun ila neng kupkamepe’ tenen, kange dipru eremarumada, tapkurume. Yambul nyapuda, sun kange dipru bouna di kungedi, du neng upu gekepra kuramengtopu, sun peda kange tamupra bouna di men kuprumyopda, Allahdi sun tep lyepra men talenkamsere. Lyepserepa im deiki pe men wengbenkamrume.

Ange tep nengeda, Allahdi nesala ban-ban yuma dakunge nesala neitamai di, nesala weik lyepredi, sun dipru talenkamre taruda, ametek mi utopu dipru bouna di kuramenge nesalada, Allahdi sun tep, menmena ila deiyo neng kepra deipkamre.

Tonda, ware ngebo do, ware ner do, ametek mi utopu nesala tep, bicau tenengedi, ne si deiki di telepe pepra, anesala tep makuramengopda, ada ne tep makunkamnenge. Yuk nesala tep makupmengopda, ada ne melimna utopu tep pepsene.

Upepudi, aupu ton dukdongopra pepu. “Lumdongona gume, ne tep teka tenenerum nesala, sun tuai mutu kumum taruda, ‘Ukunada telepe,’ pemum ngeda, sun nai Allah im deiki kurur ngebo peda, ‘Angeda telepe,’ penkamre. Tonda, sun tuai nengdi, ‘Ukunada mali,’ tenemum ngeda, sun nai bo Allah im deiki kurur ngebo peda, ‘Angeda pio mali,’ tenerure.

Aupu pepu dingeda, aupu ton cap, dukdongopra pepu. “Ukupmanto upu apepmasentopu, sun kayapu nengdi mali kupsengepa, men kaukepmum pangeda, ne nai Allah im deiki kurur ngebo peda, erdi sun mali kumum keca tep, ‘Dakwapye’ tenen, kau men kepseredi, gum kupra men derinkamsere.” Yesusdi pepu.

Dinino, ware neng do yuma, sun mali kuramenge keca tapmenga deiki di, atekmar mi utopu kupra dipru boun kunge nesaladi ne tep teka tenenenung dinin, sun mali nengdi mali kupra kungepa, sun aneng peda ange epmengedi, ‘Nun peda sun aneng kungetopu kupkupe’ tenen, mali kupmengopda, Allahdi sun mali kuna deiyo neng tep, menmena wenepra popkamre. Uda yuk nengdi menmena mali kuramya deiyo ngeboda, ila gel di er kum gerekra, laut mokon neitam dongoptengepa, mokon jepmemetu teptoda, ada wenemna kaname. Dinino, aneng utopu nengda, sun mali kunga deiki di, yuk neng tep, mali kudinunga cadi, Allah ila di aneng tep wenepkamrada, ila ikin weik kupkamre. Allahdi mali kudina deiyo nesala weika di wenepkamra tep pepsene.

Upepu dingeda, aupu ton pepu. “Sun kangeda, ware tenepmarum do? Tenpu ngebo er domba bisam 100 kuramenge dinin, tenpu ton yukai daembaramyanen, tu pepyopda, domba bisam denge weik 99 domba bisamda, tupa akapmar dinin, abisam peina deiyo ngebodi, ‘Amutu neitamai di, ne domba wangapmanerdi, dimpepmar ngeda, dakwapye’ tenen, adeiyo ngebodi, kaukemdongorur do? Gume, er domba bisam deiyo ngebodi, ‘Ne domba bisam tu pepmanerada, men tapkune, epra embenkune’ tenen, epra embarure.