Popular Bible Verses from Matius 12

Share

Ange tep nengeda, ne tek sisi pepsene. Allahdi nesala yuma bokra wenepkamre taruda, mali peramenge upu cap, moupra tenena gum dipapu, tali pertamamenge upu cap yumada, “Deiyoda ake-ake,” pepra, adipapu Allah gekenai tep, nimi tenpu-tenpudi, sun pedipapu lap pepkamenge. Atep, sun peramrum upu telep kupre pangeda, Allah kaukepseredi, men wenepkamsere. Dinino, sun peramrum upu mali kupre pangeda, Allahdi sun tep kaukemna gum di, wenepra popkamsere. Sun dipruai mali keca kupserepa kurumutopu, upu bokeipseredi, wenepkamsere. Sun kuramrumtopu, Allahdi upu bokeipserdi wenepkamsere. Yesusdi pepu.

Sunda, bal inipra mapmaryadi, nimi poramretopu kurum nengda, sun akonum kurume. Sunda dipru pio mali kurum neng cadi, ware kupra telep upu peptum do? Ware neng do yuma, sun dipruai mali kun keca akwamretopu, adeiki di sun sipyal peda, mali upupu penunge.

Sun telep nengda, sun dipruai telep keca kamrea deiki di, telep upupu pengedi, teleppu kununge. Sun mali nengda, sun dipruai mali keca kamrea deiki di, mali upupu pengedi, malipu kununge.

Ange tep nengeda, sun moupra gekepso. Aupuda pio mambule, tek sisinge pepkusene. Nimi yuma, sun mali teneramenge keca cap, mali kuramenge keca cap, uda, Allah tep, yaniptapra peramenge upu cap, ayumada, sundi sun mali kun keca yuma tapmengepa, Allahdi akeca yuma gum kupra deipredi kaukepkamsere. Dinino, ware nesala do yumada, sundi Allah er Lek Sambala tep, yanipra peramenge upuda, Allahdi ange gum kupra men deipkamre. Angeda pio men kaukepkamsere. Aupu yuma akwamya deikipu wenepkamsere.

Yesusdi pepu. Du mouramre co yumada, ‘Wareto co du mourur do?’ tenen, du mouramya epmepe dingeda, urasin kael kepmepedi, adipapu, ‘Acoda ake, aco er yalada ake,’ tenen, kael kemnupe. Co du mouramya deiki di kael kemnupa cadi, du telepnge moupre pangeda, ‘Acoda telep co,’ tenenupe. Du malinge moupre pangeda, ‘Acoda mali co pua,’ tenenupe. Ange tep nengeda, ne kune keca yumada, pio moupra tenipterepkurume.