Popular Bible Verses from Keluaran 7

Share

Musadi aupu pepka tep, Allah er si Yahwehdi Musa tep tamupra pepu. Tenipetepo, Ne epkesidi konum ereipkene. Ange tep, nedi kan tep upu peipkenepa, kandi kan du bo Harun tep lape pepmempa, erdi Firaun damai pepkamre. Firaundi kan tep, ‘E angebo Musadi penerur upuda, ada Allahdi pepnetua utopu pua,’ tenenkamkere. Tonda, kan du bo Harunda, ne tenepne upu peipkenepa, kandi er tep lap pepmemnyopda, erdi kan melimna tep, Firaun er damai penkamre. Kandi peipmempa, Harundi, ‘Allahdi upepsere,’ pepra, Firaun cap, yuk neng cap tep, lape penkamre. Kan melimna tep, erda nabi utopu kepra kupkamkere. Ayumada, ne Allahdi kupkamne ja.

Upepkamre dinin nedi, ‘Firaun men gekepkamemere’ tenen, dipru balila kun keca, Firaun tep karepnyopda, dipru gat kuprepa, erdi men gekepkamemere. Nedi kunupsek pen keca, ila mambul keca cap, kange mun keca cap, weika di tapakra Mesir mutu deiki deipkamne. Ada, amutu nesala yumadi, ‘E tek sisa Allah dipapu apel dopmasere’ tenen, kael kepkamnenga tep ukupkamne. Ila kange mun keca weik kareptenya peda, Firaun men gekepkamsere. Ange tep nengeda, ne yu dopra Mesir mutu kunge nesala deiki deipnedi, puto di wenepkamne. Ila ikin keca deipkamne deiki di, ne mawa nesala, Israel nesala Mesir mutu kungedi, ikin pel donge nge neitamai di, loptapra lyepnedi, Israel nesala doupra yuk mutu dubenkamne.

Ange yuma konum kupnyopda, adeiki di Mesir mutu nesala yuma epmengedi, kaele kepkamenge. Ada, ‘Uo, angebo ila puto di, kange mun keca weika di deipmaser ngeboda, ada tek sisi Allah Yahweh, kurure. Ataruda, ne Allahdi, Mesir nesala kan-kan di, Israel nesala, sun yala-yala yuma loptapra dubenyopda, Mesir mutu nesala yuma kael kepkamnenge.’ Allahdi Musa tep pepu.

Ukupu pangeda, Firaundi, nimi men kuptenge keca, ila kaele kepra, Mesir mutu kurami neng cap, asuru kwa neng yuma cap upupupa, yai. Yai dingeda, sun isok puto deiki di, Harun kupmaunge utopu kupi. Sun yuk-yuk dinin, sun maca yuma tuai dopipa bal dai. Sun douami maca yuk-yuk dopipa, amaca yumada bal dau. Bal dau dinin, Harun er maca bal daungedi, sun Mesir mutu kael neng, sun maca bal daunge yuma jepropu.

Allah er si Yahwehdi upepkere. “Ne kupkamne keca epmemya deiki di, ‘Gume, Yahwehda tek sisi Allah kurure’ tenen, kael kepkamnerume. Mambul keca kupnepa epkamrume. Ne Allah kununa tep, Musa doupre maca dipeteprume. Musa er maca di Nil me deiki bongoprepa, ameda nimi yapi utopu kapkarure.

“Musao, Firaundi, ‘Nimi men kupmanto keca kupmempa epkune,’ pepkamkere. Upepsere pangeda, kandi, Harun tep pepmempa, Harundi, nimi men kupmanto keca kupkamre. Ada, Harun er maca dopra, Firaun dinmareai tuai doprepa, adipapu amacada, bal dankamre,” Allahdi pepu. Musa cap, Harun cap, Firaun, damai bereidi, Allah er si Yahwehdi, ‘Ange ukupkamrerume’ pepra, peipmautopu kuprei. Ada, Harun er maca dopra, Firaun cap, er pel dona deiyo neng cap, sun dinmangai tuai dopupa, adipapu amaca bal daupa, sun yuma epi.