Popular Bible Verses from Rasul 17

Share

Ada, nimi yala-yala yuma amenda sundi er tep epterepmengedi, ‘Epkamneng ja’ tenen, ketekepra yuk-yuk wepra deipseue.

‘Ban-ban yuma bena kunkamenge,’ tenepudi tenpu ngebo ketekepra deipupa, angebo deiki di yal kepudi, nimi yala-yala yuma weik kupu. Allahdi ayala-ayala nesala yuma men ketekepra deiamu taru di, sun kunkameng mutu cap, sun kunkameng taru cap, ‘Ukupra kunkamenge,’ tenepudi men di wepra deiamu.

Uda ban-ban yuma cap, akapu keca yuma cap, men di ketekepra deipu Allahda, er dipu alau tara yuma cap, tuai tara yuma cap, talepra kurure. Allah si eremna tep, nimi sun buru deiki di talepra donung ati pumbon yumada, pio men kurure.

Ada tali gume. Allahdi, ‘Atarupu wepra bokra deipkamne,’ tenepudi konum ketenepra deipka tep, amenda taru nesala ban-ban yuma tep, mali kunge keca cap, telep kunge keca cap, wepra dipterepredipu, “Ange mali, ange telepe,” pepra, telep kupra yuk-yuk wepra bokra deipkamre. Ada Allahdi peprepa, er men di wepra deipu ngebodi, tuai nesala yuma tep, yuk-yuk wepra bokra deipkamre. Allahdi, ‘Nesala ban-ban yuma teka tenenkameng’ tenen, erdi wepra deipu ngebo depmaupa, gam bukra deipka deiki di, ange yuma konum katuai lap pepmasere. Paulusdi aupu yuma abulupra wekmai neng, Arepagus neng tep, pepu.

Petumna ila kael nengdi, perak cap, emas cap dopropmengedi, sun kange tenena deiki dipu, nimi urasin utopu kupra deipmengedi, si eremnung kecada, akecada Allah utopu men kurure. Nunda Allah er nyapu kunupa tep, anengdi doramenge keca utopu keca tep, ‘Allah kurure,’ men tenenkamepe.