Popular Bible Verses from Rasul 13

Share

Sun anengda, ‘Allah si erepkamep’ tenen, jen jena gum di, jen si tepra Allah sipu eremaipane, Allah er Lek Sambaladi peipu. “Sundi Barnabas cap, Saulus cap, wepra deipnerume. Ne tenemsi pel, ‘Sun anengdi dopkamreng’ tenen, weamsa tep, ukuda sundi abutene neng wepra deipnerume,” peipu. Upeipka tep, sun jen si tepra kuramyanen, Allah moropidi, aneng giso deiki sun buru tang talepyopda, ‘Apel donkamreng’ tenen, dokotepi.

Ne kayapu, ange tep nengeda, ‘Sun kaele kepkuruma’ tenen, lape pepsene. Allahdi Yesus deiki dipapu, nun mali kupe keca cap, nun kange dipru mali tenenange cap, gum kupra deriseredi, kaukemserure. Ware nesala do yuma, Yesus tep teka tenepmengopda, mali keca di sun dipru cap, kange cap, talepra moupseudi, upu mouserur keca yuma, Yesus deiki dipu lyemseredi lotamserure. Musa sekamseu upu utopu kurumnya deiki di, mali keca talepseuada, lyepra men loptapsetue.

Allahdi nun tep aupu peipseu. ‘Kan deiki dipu, nimi ban-ban yuma, mutu sirik im sirik dakunge nesala tep, “Lyemna keca dubenkamrum” tenen, yuk-yuk mutu nesala dirine kemna tep, upna dirine utopu nedi wepra deipkene.’ Paulus cap, Barnabas capdi peprei.