Popular Bible Verses from Buk Song 86

Share

Bikpela, yu mas skulim mi gut long pasin yu laik mi mekim, na oltaim bai mi bihainim laik bilong yu. Lainim mi gut bai mi tingting long yu wanpela tasol, na mi mekim wok bilong yu oltaim.

Bikpela, yu gutpela tru na yu save rausim sin bilong mipela. Yu save laikim tumas olgeta manmeri i save beten long yu.

Tasol Bikpela, sori na marimari i pulap long yu, na yu no save kros kwiktaim. Yu save laikim mipela tumas, na yu no save senisim tok bilong yu.

God, Bikpela bilong mi, mi givim bikpela tenkyu long yu. Na mi laik litimapim biknem bilong yu oltaim oltaim.

Yu save helpim mi long taim mi singaut long yu. Olsem na olgeta taim mi karim hevi mi save beten long yu.