Popular Bible Verses from Buk Song 119

Share

Tok bilong yu i olsem lam bilong helpim mi long wokabaut stret, na i olsem lait bilong soim rot long mi.

Mi putim tok bilong yu i stap long bel na tingting bilong mi. Olsem na bai mi no ken mekim sin long yu.

Olsem wanem na yangpela man i ken wokabaut long klinpela pasin? Em i mas bihainim tok bilong yu na bai em i stap klin.

Ol man i bihainim tru olgeta tok bilong God, ol i ken amamas.

Yu tasol yu wasman bilong mi na strongpela banis bilong mi. Mi save bilip long promis bilong yu.

Mekim klia mining bilong lo bilong yu na bai mi bihainim. Bel bilong mi bai i kirapim mi long bihainim olgeta lo.

Kirapim bel bilong mi bai mi gat laik long bihainim tok bilong yu. Nogut bel bilong mi i kirap long mangalim olgeta samting.

I gutpela tru yu bin mekim save long mi. Dispela i skulim mi gut long ol lo bilong yu.

Taim mi gat hevi mi bin kisim bel isi, long wanem, promis bilong yu i givim laip long mi.

Stiaim lek bilong mi bilong mi ken wokabaut long rot bilong lo bilong yu, long wanem, mi save laikim tumas dispela lo.

Bikpela, yu mas lainim mi gut long lo bilong yu, na bai mi bihainim long olgeta de.

Bel bilong mi em i hevi tru. Yu mas strongim mi olsem yu bin promis.

Mi laikim tru lo bilong yu. Mi save tingting long en long san na long nait.