Popular Bible Verses from อาซาคารา 9

Share

อึย เบ ดูอี อี กอย นอน ฌีโอน, แตห เบ โบยว ดาคึย กาเซา. อึย เบ ดูอี อี กอย แคง มืง เยรูซาแลม, แตห เบ ดัด ตาง โกบ คูนดีคัม กามาย อี ดี อึบ เบ, อี ดี ตัห โดง กอย เบ. อัน มึห น็อห ซืร น็อห หมาน บอ คยอด เบ. อัน ยี มึห น็อห เตียม บอ ป็อะ มาลา บอ ฆอน มาลา ดอ ตัห อัน โดง กอย เบ.

โอว ดี ดึห แวน ลักเลา เฆ ดา ซึก แคง มืง อีซาเรลัะ. โอว ดี ดึห แวน อึณปร็อง ปี ป็อะ เฆ ดา ซึก แคง มืง เยรูซาแลม. โอว ดี ดึห แวน ครึง กาโฆห ดี เฆ ดา ซึก. คูนดีคัม กามาย อี ดี อึบ เบ, อัน ดี แตห เฆ ดูอี ดอน โมยว ปึอน กอย เยน ดาคึย. มืง ปี อึบ อัน ดี จูห ดี อึม นัมมูกซารา อู บลาก วี ฌัม ดี อึม นัมมูกซารา ปอ อู บลาก. อึณ บอ จูห ดี แบลง อึม อูพาราด กอ วี ฮาว ฌัม โดง ซืด กาดาย.

ซีแง ตี, เฌาพรา อี มูห ดา กาณา อี อึบ เฆ, อัน ดี บอ คยอด เฆ. แตห อึณ ปี ดา อี เฮียง มาบู คยอด มาบู อัน. เฆ ดี บอ มาบรีว แคง มืง ปี อึบ เฌาพรา ปี แซณ อี ดึก ดี มังฆึม.