มาแล, เอ ปี บอ แฮะ โบง ปาย ตี มืร, เฌาพรา แยะ แฮะ บยัะ ดี เอ แคะ ร็อก อัน บอ แคะ กาเว อัน ดี เอ. อัน มูห อัน เฌา อี คยอด เอ. อัน เฌา แฮะ คยอด เอ แตห เอ ลอด. ลอง อัน ตี, อาว มูห โกบ โบง เอ นา บอด นา หมึอม. อึณ มูห โกบ ร็อก กาเว เฌาพรา ดี เอ. อัน แฮะ คยอด เอ ดอ แวน อัน หมาบ เอ, แตห อึณ ปี อี บาย แวน กาดีห แคง อึม. อัน แฮะ ดัว น็อห พึอม อัน ดี เอ, แตห เอ มึห อาซาก กามาย, แตห เอ แบน ปี ดูอี กามาย. โกบ หณึม เอ เฌา เยซู, เฌาพรา แฮะ ดัว น็อห พึอม อัน ดี เอ, แตห อึณ กืน กาเซา. โกบ แฮะ เฆฌู อัน เฌา ดี เอ, อัน อาว ฮู ต็อห เอ มึห หมาบ. อัน แฮะ แตห เอ วี แบน ฆอน เฌาพรา, วี แตห เอ หน็อะ อึณด็อะ ดี กอย รึม โดบ อัน เซเซ.
