Popular Bible Verses from รม 6

Share

โคว, เซ เอ โบง หมาบ, รูห อัน อึณ แตห เอ ยัม. มาแล, ปี เฆฌู เฌาพรา บอ ปี ดัว เฌาพรา ดี เอ, เอ ปี ซัะ โลว โตต มาเซ มืร, อึณ แตห เอ กอย รึม โดบ เฌา เยซู เซเซ.

หมาบ อาว ฮู ปึอน ดี อึบ เบ. โคว, เบ อาว ฮู โลว โดบ ดารา. เบ แฮะ ปึอน ปี เฆฌู เฌาพรา.

โคว, ดอ แฮะ จึบ เอ แคง อึม ตี, อึณ ปี เอ แฮะ ยัม รึม บอ กอย รึม แคง กาเดา บาเรว โดบ เฌา เยซู. อาพูง ดังโคว เฌาพรา อี มูห ฆูณ เฌา เยซู, อึณ แฮะ วี แตห เฌา เยซู วี ยีต วี อีม. ปาย ตี บอ เอ แฮะ วี ยีต วี อีม, แตห เอ วี มึห อาซาก กามาย ปี เฌา เยซู.

แกวะ แตห เปลา เบ เฆ แด เบ บอ ดอน โมยว อี กอย ดี โดว โบ็ง เบ ปึอน ดี โบง นา ฮาย นา มืก. แกวะ แตห โดว เบ แบน ปี ซูต ปี จัร หมาบ. แตห เบ ยี อาบ โดว โบ็ง เบ ดี เฌาพรา, แตห อึณ แบน ปี ซูต ปี จัร นา ซืร นา หมาน. โคว, เบ แฮะ ปี ดูอี อี แฮะ ฮอต ยัม, แฮะ วี ปึอน อาซาก กามาย.

เอ มืร แฮะ นับ, อึณ ปี โดว บรีม เอ นี แฮะ ดึก ดี ร็อง กาแวะ ปี เฌา เยซู, แตห โดว บรีม เอ อี มึห หมาบ ตี ลึร ชึม โตต, แกวะ ฮู แตห หมาบ ปึอน ดี อึบ เอ ปี ดา กาณา อี อึบ หมาย อัน.

เบ มืร โลว มาด โดว เบ ปาย ตี. โดว บรีม เบ แฮะ คัม ดี ยัม, แกวะ ฮู แตห หมาบ ปึอน ดี อึบ เบ. แฮะ ฮอต โกบ หณึม เบ เฌา เยซู, เบ วี มึห อาซาก กามาย อี นับ ดี โบง ปี อึง เฌาพรา.

เซ อึณ ปาย ตี, เอ ดี ปาย เหมา? เอ ดี แว โบง ฮาว หมาบ ปอ อึณ ปัว, แตห ปี เฆฌู เฌาพรา แว กืน? อาว มูห ปาย ตี. เอ แฮะ ปี ดูอี อี แฮะ ฮอต ยัม. หมาบ อาว ฮู ปึอน ดี อึบ เอ. เซ อึณ ปาย ตี, เหมา เอ ดี ปาย, เอ ดี วี โบง หมาบ ปี บรีม? อาว มูห ปาย ตี.

โอว ซี แตห เบ นับ ซีคยา, เซ เอ อาบ โดว เอ ดี อาเซ บอ ต็อห ดี โทม โฆรห อัน, เอ มืร ดี แบน หมาย วี ตี. เซ เอ แตห หมาบ อึบ เอ, อึณ ดี แตห เอ ยัม. เซ เอ ยี โทม โฆรห เฌาพรา ปี หมาย อี โทม โฆรห ดา กาณา อัน, เฌาพรา ดี ดัว น็อห ซืร น็อห หมาน ดี เอ.

โอว ยี ดาง ฆูง เฆฌู ดี เฌาพรา. เบ ปี บอ แฮะ ดึอม แตห หมาบ อึบ เบ มืร, เบ แฮะ วี ออน ดี โทม, ออน ดี โดบ โฆรห เฌาพรา แปะ แฮะ มาโนว อี ดี เบ, แตห อึณ ลึบ แคง น็อห เบ. เบ แฮะ ฮอต ลอด ตัะ หมาบ, แฮะ วี แบน หมาย นา ซืร นา หมาน.