Popular Bible Verses from รม 2

Share

โคว, เซ แม นับ ดี ซูงพยาด ปี โบง อี เฮา อี ตู บอด อี ตู หมึอม, แม ยี วี โบง ปี ปี โบง อี เฮา ตี, แม มืร ตู ลอด เฌาพรา ดัม หมาบ ดี แม. เฌาพรา ซี เฆฌู แม, ซี แตห แม โหลห หมาบ แม, แตห แม แวน หมาบ แม. เซ แม ยี ตู ซี แตห เฌาพรา โบง ปาย ตี, อึณ ปี แม ลูกตาย ปี เฆฌู เฌาพรา บอ แปะ แฮะ คัม อัน เฌา ดี ยืน เหลณ โกบ แม.

อึย เบ บีนอง, อาว มึห อาเซ อี ปึอน ฆ็อห โดว อัน. เซ แม ซูงพยาด ลอง อี เฮา, แม มืร ตู ปึอน เครียง หมาบ แม. ปี ซูงพยาด แม อี เฮา ตี, อึณ ปี แม วี ซูงพยาด โดว บรีม แม. โคว, แม อี ซูงพยาด ลอง อี เฮา, แม มืร แฮะ โบง หมาบ ปี ดูอี เฆ ตี. แปะ แฮะ โบง แม บอ แปะ แฮะ โบง อี เฮา ตี แฮะ มูห อู โมยว.

โกบ อึณ ปาย ตี, เฌาพรา ซูงพยาด แตห อึณ การัม ดี ดูอี ดอน อี. อัน ตู มึห โดง ร็อก โดง ฌ็อง.

โคว, เฌาพรา ตู แตห น็อห ซืร น็อห หมาน ดี อี โกบ โทม เฆ ดารา. เฌาพรา ดี ดัว น็อห ซืร น็อห หมาน ดี เฆ อี โบง โดบ ดารา.

เฌาพรา ดี วี โบง เวียะ ดี เฆ ดูอี ดอน อี แคะ ปี ดึอม โบง เฆ.

มาแล, เฆ อี มึห น็อห ซี โบง ปี อึง เฆ บอ แวน นา มูห นา หมาน, ปี วี โบง นา ฮาย นา จีจีว, เฆ ดี โลว คัม ปี รู กาเซา เฌาพรา ดี เฆ.

โกบ มึห แม น็อห ดืร กาเซา, โกบ ตู ซี แวน แม น็อห บรีม แม, แม โบง แตห เฌาพรา แกร ดี รู กาเซา ดี แม, แตห อึณ กอ ฌัม ซีแง ดี บยัะ เฌาพรา น็อห รู อัน. ดอ อัน ตี อึณ ดี ลึห ซีคยา ลอง อัน เฌา ซูงพยาด โดบ นา มูห นา หมาน.