Popular Bible Verses from รม 11

Share

โคว, แคะ บอ มึห ดอน โมยว, อึณ บอ ตัห โตต ดี อัน เฌา, อึณ บอ มึห โกบ ยอด แมน อัน เฌา โตต ดอน โมยว, แตห อึณ ลึห แคะ ตาง อาพูง ดังโคว อัน. โคว, แตห เอ อืบ มยูก อาพูง ดังโคว อัน เฌา เซเซ. ซาตู.

อางยาน เฌาพรา แฮะ ลึก กาเซา. บอ ปี นับ อัน แฮะ กืน กาเซา. ปี ดี ซูงพยาด อัน เฌา มืร, อาว มึห อาเซ อี นับ. บอ อึณเตณ โดง ดี ว็อะ, โดง ดี ฮาว อัน เฌา, อาว มึห อาเซ อี นับ ดี เหรต, นับ ดี โดบ.

อาว มึห อาเซ อี นับ น็อห เฌาพรา. อาว มึห อาเซ อี ปึอน ซังคยาง ดัว อากยาม อางยาน ดี เฌาพรา.

บอ ดอ ตี นี, อึณ บอ ปาย ตี, อึณ ซี มึห ดูอี ปี ร็อห เฌาพรา โกบ แฮะ เฆฌู อัน ดี เฆ. เซ อึณ ยี มูห ปี เฆฌู เฌาพรา อี แตห เฆ กอย, อึณ ตู มูห โกบ อาฆยึร ปี โบง เฆ. เซ เฌาพรา ร็อห เฆ โกบ อาฆยึร ปี โบง เฆ, อาว ฮู มูห ปี เฆฌู เฌาพรา.

เฆ ดูอี อีซาเรลัะ ยี ปี เฮ นามัน แปะ แฮะ ลึมลา ซีคยา ดา กาณา อัน. เบ ดูอี อาโมยว เฮา ยี ปี เฮ นามัน แปร. เซ ดา กาณา ตึอน ยี แฮะ แดบ เลห มัง รา ดี เฮ อัน, วี ดึห รา เฮ แปร, วี โกบ ดึก ดี ดัง เฮ บรีม, แตห อึม แคง ดัง บรีม ตี เฮียง บอ รา ตี, แตห อึณ อีม, เบ แกวะ ทาง, รา ตี แฮะ หมึอม หลึอม ดัง เฮ บรีม. เซ เบ ยี ทาง, เบ แฮะ หมึอม หลึอม ดูอี อีซาเรลัะ, แตห เบ โหลห ลอง เฮ นามัน ตี. เบ ปี แคะ รา ตัห โกบ ปาย ตี. เบ ตู เฮียง เรียห. เรียห อี เฮียง รา.