Popular Bible Verses from ปบ 8

Share

วาย อัน ตี ฆอน มาบู วึห ฌึม อึณบู. ดอ อัน ตี อาดา กาบัก อู ควาย นารี, อึณ บอ ง็อง เยน แคง ฆางหราว.

แฮะ ฮอต, อามู อามาด เฌาพรา กาดัง ดอ โฆว บอ บูด เวา อัน. อึณ บอ มึห เบรีย บอ เงา กาซู หนาม, โจห โลง แดง กาดาย. ดอ อัน ตี กาดาย โอย บูน อู บูน บอ เฮ โอย บูน อู บูน บอ แปร เงียน บอกาเฆลียด บอ กาฮ็อห แครม โตต.

ดอ ยอด โอว ฌึร ตี, โอว ปี วี ยึร มาฆลาง อู โดว, บึณ จา กาเซา แคง เบลณ. อัน บอ ดัด ตาง ต็อห, “โวด, โวด, เฆ อามู อามาด เฌาพรา โอย กาดัง อี ซี ฆีด, เฆ มืร แฮะ ครึง ดี บูด เวา เฆ, แตห ดูอี แดง กาดาย บอกาเฆลียด คัม โวด.”

อามู อามาด เฌาพรา กาดัง ฮาอา ปี วี บูด เวา อัน, ปี วี มึห อาดา อู โมยว อี ปี นอน ตาง อี มึห เงา กูห. อัน โจห แคง อึม นัมมูกซารา. แฮะ ฮอต, อึม นัมมูกซารา โอย บูน อู บูน แบน หนาม.

แฮะ ฮอต, อามู อามาด เฌาพรา กาดัง ฮาโอย ปี วี บูด เวา อัน, อึณ วี มึห ซีมัณ ตาง อู โบ็ง, มึห บอ เงา กูห ปี เงา ราง, ตัห แคง เบลณ โจห โลง แดง แบลง อึม โอย บูน อู บูน บอ แดง โตห อึม ดอน โปละ. ซีมัณ ตี จืร “ซ็อง.” อึม โอย บูน อู บูน วี ซ็อง. ดูอี กืน บอ ยัม โกบ เดียง เฆ อึม ตี. โคว, อึม ซีแงห แฮะ วี แบน อึม ซ็อง.

วาย อัน ตี อามู อามาด เฌาพรา กาดัง อึณพวน ปี วี บูด เวา อัน. แฮะ ฮอต, ซีแง บอ ลึร โอย บูน อู บูน. บอ มาเฆียน เฆ ซีมัณ บอ ลึร โอย บูน อู บูน, แตห อึณ อับ ว็อง. ดอ กาแต ซีแง อาว ฮู บลาง อาดา พวน นารี. บอ แคง หมึร อึณ บอ ปาย ตี. มาเฆียน เฆ ซีมัณ อาว ฮู บลาง อาดา พวน นารี.