Popular Bible Verses from ปบ 16

Share

เฌาพรา แฮะ ต็อห, “บัร เบ ยอด, โอว ดี ตัห ปี ดา ปรา. อาเซ แฮะ อึณซึห, แฮะ อึณปราย ซีคยา ครึง ปี ตา อัน, อัน ดี โบยว ดาคึย. อัน มืร ตู อาฆลัะ, ตู โลว ซาย อี.”

อามู อามาด เฌาพรา กาดัง อึณเดา บอ ฮูห ซีลัยะ อัน แคง แบลง อึม ตาง อี จืร อูพาราด. แบลง อึม ตาง ตี บอ ฮีด อู เฌณ, แตห อึณ แบน อึณเตณ อาดา คูนดีคัม มัง กาดัง อี ตัห นา เลห ซีแง.

เฆ มูห กานัม อี ฮาย กาเซา. เฆ แฮะ นับ ดี โบง อี หมึอม อาม กืน. เฆ บอ ฮาว โดง กอย เฆ คูนดีคัม อี กอย แดง กาดาย นี, แตห คูนดีคัม เฆ ตี ตัห กาฌูะ, แตห เฆ ลาย กาโฆห ปัน ดี ฌัม ซีแง ดี ซูงพยาด เฌาพรา อามู ดูอี. อัน เฌา มูห เฌาพรา อี อึบ โตต ดอน โมยว.

ดอ อัน ตี โอว วี ยึร กานัม ฮาย โอย กาดัง. อารึบ เฆ ปี มาโระ. เฆ เลห แคง โมต มากราย, แคง โมต มาโดว แปร ตึอน, บอ แคง โมต มาโดว แปร ปอ โดว ตึอน, อี ณึงราง ดี บยาน โฆรห เฌาพรา.

ดอ คัม เฆ ดูก ตี, เฆ บอ ดืง เฌาพรา อี มึห ปวน ดี โบง แตห เฆ คัม ดูก ตี. เฆ ยี ตู กาปลูะ น็อห, ตู โหลห หมาบ เฆ, ตู อืบ เฌาพรา.

อามู อามาด เฌาพรา กาดัง ดอ โฆว บอ ฮูห ซีลัยะ อัน แดง กาดาย, อึณ บอ แบน บึบ แบน ดีม ดี เฆ ดูอี อี มึห ฌึม มาโดว แปร ตึอน บอ ดี เฆ อี กรึบ อารึบ อัน.

กานัม ฮาย เฆ ตึอน, เฆ แฮะ แตห เฆ คูนดีคัม ตัห กาฌูะ โดง จืร ฮามาเฆโดน, อี มูห โฆรห แฮแบร.