Popular Bible Verses from ปบ 13

Share

ลอง อัน ตี, แตห เบ มึห อางยาน. อาเซ มึห อางยาน, แตห อัน นับ ดี เฌณฌา กาพา ปี ปาย ซีเพา ลอง ดาง โดว คาหนาน อี มูห จืร มาโดว แปร ฮาย ตี. โคว, โดว คาหนาน ตี, อึณ แฮะ กาดาง โดว แปะ อี มูห จืร ดูอี. โดว คาหนาน ตี บอ มูห เดา มาย็อห ดี เดา ฆึร ดี อึณเดา (666).

เฆ ดูอี แดง กาดาย บอกาเฆลียด, เฆ ดี กรึบ มาโดว แปร ตี. ซีณ ดอ พาน เบลห เฌาพรา กาดาย, เฌาพรา แฮะ มึห ฌาราง ปี แดม อัน จืร เฆ ดูอี อี มึห อาซาก กามาย, อึณ มูห ฌาราง เฆ ดูอี อี หณึม ฆอน มาบู อี แฮะ คัม ดี ยัม ตึอน. เฆ ดูอี อี ตู มึห จืร แคง ฌาราง ตี, เฆ บอกาเฆลียด ดี กรึบ มาโดว แปร ตี.

อัน บอ คาหนาบ ดูอี บอกาเฆลียด บอ ดูอี ตาง ดูอี เตียะ, บอ ดูอี ครัม ดูอี ฆีน, บอ อี มูห หมาย อี ตู มูห หมาย, แตห อัน ดอก ฌึม ดี กาต็อห เฆ. เซ อาว มูห ดี กาต็อห, ดอก ดี แด เฆ บลาก อาอัห. อาเซ ตู มึห ฌึม อัน ตี, อัน ตู ปึอน ดี กาจึห กาย็อง คอ อู โมยว. ฌึม ตี, อึณ บอ มูห จืร มาโดว แปร ฮาย ตึอน. เซ อาว มูห จืร มาโดว แปร ตี, อึณ บอ มูห โดว คาหนาน อี กาดาง จืร อัน.

วี เหมา แปะ แฮะ อาบ เฌาพรา แตห อี เหมต อัน, อัน ดี กาดูห หมาน เหมต อี. วี เหมา แปะ แฮะ อาบ เฌาพรา แตห อัน ยัม ดี บลา เลียห, อัน ดี กาดูห หมาน ดี ยัม ดี บลา เลียห. โกบ อึณ ปาย ตี ดอน โมยว, เบ อี มูห ดูอี อี ซีงา บอด, แตห เบ คัม ดี โอด เซเซ บอ ยืน ดอน โมยว บอ หณึม บึง เฌาพรา เซเซ.

โอว วี ยึร มาโดว แปร ฮาย อู โดว เลห แคง อึม นัมมูกซารา. ฆีณ อัน มึห บู โบ็ง. นึง อัน มึห ฆึร โบ็ง. แดง นึง ดอน นึง มึห มังฆึม. ฆีณ ดอน โบ็ง ปี วี มึห จืร อี แคณ เฌาพรา.

เฌาพรา แฮะ ควาง อัน, แตห อัน มึห ปวน ดี กาโฆห ดี เฆ ดูอี อี หณึม เฌาพรา. อัน บอ ปึอน ดี แป เฆ. บอ เฆ ดูอี ดอน โมยว ดอน ครึร, เฆ อี กาลาง โฆรห ดอน โมยว, บอ เฆ อี กอย แคง มืง ดอน มืง, อัน ปึอน ดี อึบ โตต.

โกบ นับ อัน ดี โบง บยัะ อี หมึอม อาม ฌึร ตี อาดา มาโดว แปร ฮาย โดว ดอ โฆว ตึอน, อัน ปึอน ดี กาโลว ดูอี บอ กาดาย บอ จัร เฆ โบง อารึบ มาโดว แปร ฮาย อี แฮะ มึห ปลา ดีม ดี มาปัวะ ลาง ยี ตู ยัม. อัน แฮะ ปึอน โบง แตห อารึบ มาโดว แปร ฮาย ตี มึห พึอม บอ ปึอน กาลาง โฆรห. เฆ อี ตู กรึบ อารึบ มาโดว แปร ตี, มาโดว แปร ตี แฮะ ปึอน โบง แตห เฆ ยัม.

มาโดว แปร ฮาย ตี, อัน ปี มาดีวาย ซืร ฌึม. เปลา อัน ปี เปลา มาเฆรห. โมต อัน ปี โมต มาครังซี. มากราย ตึอน แฮะ อาบ ปวน อัน อี แฮณ กาเซา บอ มาลาง อัน ดี มาโดว แปร ฮาย ตี.

มาโดว แปร ตี, อัน แฮะ ปึอน กาลาง โฆรห อี แคณ เฌาพรา. อัน แฮะ มึห ปวน อี ปึอน ดี โบง ปาย ตี, อาดา พวน ฆึร ดี อา มาเฆียน.

ดี ฆีณ มาโดว แปร ฮาย ตี อาดา อู โบ็ง, อึณ มึห ปลา ดีม อี แฮะ แตห อัน รีน ดี ยัม. มาแล, ดีม ตี, แฮะ ฮอต วี ซีนัม แกน. ดูอี แดง กาดาย บอกาเฆลียด แฮะ อาม อัน บอ โดบ มาโดว แปร ตี.

วาย อัน ตี โอว ปี วี ยึร มาโดว แปร ฮาย ปอ อู โดว เลห ตัห แคง กาดาย. อัน มึห นึง อา โบ็ง อี ปี นึง ฆอน มาบู. อัน ยี กาลาง โฆรห ปี มากราย. อัน กอย ดี อาต มาโดว แปร ฮาย อี มูห โดว บรีม ตึอน. อัน มืร แฮะ มึห ปวน ดอน โมยว อี ปี ปี มึห โดว ตี. อัน บอ คาหนาบ ดูอี แดง กาดาย, แตห เฆ กรึบ มาโดว แปร ฮาย ตึอน, อี แฮะ ดึอม มึห ดีม อี แฮะ แตห อัน รีน ดี ยัม, อี แฮะ วี ซีนัม แกน ตึอน.