Popular Bible Verses from พพ 3

Share

อึย เบ บีนอง, โอว ตู ทาง แฮะ ฮอต โตต แคะ ปี โลว โบง โอว. อึณ ยี มึห อู โมยว ปี โบง โอว. โอว ตู โหลห, ตู เฌณฌา อี แฮะ ปวน นา ปัน. โอว วี เฌณฌา ยอด มี อี กอย นา อาต. ปาย ตี, อึณ ปี โอว กาแบลบ ฮาว ซืร ซืร โดง กอย ร็อง หล็อก, แตห โอว ปึอน รูห ปี ดี ดัว เฌาพรา ดี โอว. อัน แฮะ แดะ โอว, แตห โอว โฮะ ฆางหราว. โคว, เฌา เยซู แฮะ คัม ดี ยัม กาดาง โอว.

โอว มืร ซี นับ เฌา เยซู บอ ปวน เฌาพรา อี แตห เฌา เยซู วี ยีต วี อีม. โอว มืร ซี คัม ดูก คัม หณาบ โดบ อัน. โอว มืร ซี คัม ดี ยัม ปี อัน เฌา แฮะ คัม ดี ยัม. วาย อัน ตี โอว มืร ซี วี ยีต วี อีม ปี อัน.

แดง ตี, อาฆยึร ฌึร ตี ดอน โมยว, โอว แฮะ มาด อึณ แฮะ ชึม โตต. โคว, เฌาพรา แฮะ แตห โอว วี นับ เฌา เยซู อี แฮะ หมึอม หลึอม โตต ดอน โมยว. โกบ แฮะ ดัว อัน เฌา อาฆยึร ฌึร ตี, โอว แวน โตต อี โดบ โดว บรีม โอว. โอว แฮะ มาด ฌึร ตี แบน อี หมึอม กาอีห หมึอม กาดาต โกบ วี ซี ปึอน โอว อาฆยึร ปี ดัว เฌา เยซู.

อาฆยึร แปะ แฮะ โบง โอว ฌึร ตี, อาว ฮู แบน อาฆยึร มาเซ ดี โอว ดอ ตี นี. โคว, โอว แฮะ วี หณึม เฌา เยซู.