Popular Bible Verses from แปร กาฮ็อห 22

Share

แฮะ ฮอต ปาย ตี เฌาพรา บอ โบง แตห มาลา อัน นับ ดี กาลาง โฆรห, บอ ต็อห ดี อัน, “โอว แฮะ โบง มาเซ ดี แม, แตห แม มัห โอว กอ โนะ โอย เฌณ?”

แฮะ ฮอต, เฌาพรา วี แตห อาบาลาอัม ยึร อามู อามาด เฌาพรา แฮะ โฆ็ง มาปัวะ ลาง, จ็อง กาแต อึณเตณ. ปาย ตี อาบาลาอัม บอ มูด ฆึบ ดี กาดาย อู เฌณ.

อามู อามาด เฌาพรา วี ต็อห ดี อัน, “เหมา อึณ ปาย ปี มัห แม มาลา แม กอ โนะ โอย เฌณ? โอว แฮะ ตัห แคร แม, ตู ซี แตห แม เลห อึณเตณ คา นี. มาแล, แม ยี แนะ อี ซี โบง ปี ตู อึง โอว.

มาลา ตึอน วี ต็อห ดี อาบาลาอัม, “โอว แฮะ มูห มาลา ปี ดึอม ป็อะ แม เซเซ กอ ฌัม อาตึร นี. โอว แฮะ ดึอม มึห ดี โบง ดี แม ปาย นี?” อัน วี ต็อห, “อาว ดึอม มึห.”

อาบาลาอัม วี ต็อห ดี มาลา อัน ตี, “แม นับ ดี ณ็อะ โอว. โอว กาปรา แตห โอว มึห ดี โฆ็ง มาปัวะ ลาง, แตห โอว ง็อห แตห แม ยัม ดอ ตี นี.”

ดอ วี ยึร มาลา อามู อามาด เฌาพรา คา นี, อัน บอ กาดูห ดี อีด กาตับ ดี กาดาย. ปาย ตี อาบาลาอัม บอ รู กาเซา บอ ดึห อึณกรวน อัน, มัห มาลา อัน ตึอน.