Popular Bible Verses from มท 6

Share

อาต โบง เบ แบน โมยว แบน โมยว, เบ โลว โฆยวฆยา ดี โบง อี โดบ น็อห ซืร น็อห หมาน ปี ดัว เฌาพรา. เบ บอ โลว โฆยวฆยา ดี โบง ดอน โมยว อี ดี แตห เฌาพรา อึบ กาดาย. เซ เบ โบง ปาย ตี, ปี ดี โลว เบ ดอน โมยว, เบ ดี บอ ปึอน โตต ดอน โมยว.

โคว อัน ตี แกวะ แตห เบ มึห น็อห กาฮัวะ ลอง ปี ดี โลว เบ แคหณา. เซ เบ กาดูห ดูก อาตึร, เฌาพรา นับ ดี จอย, แตห เบ กาแคณ มี อาตึร. ปา แคหณา อึณ บอ ปาย ตี.”

โคว อัน ตี โอว วี ต็อห ดี เบ, แกวะ แตห เบ มึห น็อห กาฮัวะ ลอง อาซาก เบ. แกวะ แตห น็อห เบ กาฮัวะ ลอง ปี ดี โฮม ปี ดี ตา เบ. โคว, อาซาก เบ, อาเร อัน แฮะ ตาง หลึอม ปี ดี โฮม เบ. บอ โดว โบ็ง เบ, อาเร อัน แฮะ ตาง หลึอม ครึง ปี ดี ตา เบ.

โคว อัน ตี เซ เบ ซาคึร, เบ โลว ฮาว ลึบ แคง โฮง, วี กาบีด มาโลห, วี ซาคึร ดี เฌาพรา อี ปี ฆูณ เบ ปี ตู ปึอน ยึร เบ. ปัน ตี เฌาพรา อี นับ ดี ยึร ปี ตู ปึอน ยึร อี เฮา, อัน ดี โทม โฆรห เบ, แตห อึณ แบน อาฆยึร ดี เบ.

โคว อัน ตี เบ โลว ซาคึร ปาย นี. เบ โลว ต็อห, ‘อึย, ฆูณ เย อี กอย ฆางหราว, หมาณ แตห เย ดูอี มึห น็อห โรวเซ รีมาด แม เฌา. อาคราว ดี อึบ แม เฌา ดูอี แดง กาดาย, แตห แม แตห อึณ ตัห, แตห อึณ ฌัม. แคง มืง แดง แม อึบ ปาย เหมา, แตห แม อึบ บอ แดง กาดาย ปาย ตี.

ดอน ซีแง ดอน ซีแง แตห แม เฌา ดัว ปี ดี โฮม ดี เย.

แตห แม เฌา บลัวะ แวน หมาบ เย. แตห อึณ ปี, บอ เย บลัวะ แวน หมาบ อี เฮา.

แกวะ แตห เย โดบ อี กาซูห เย โบง หมาบ. แตห แม คยอด เย, แตห เย ลอด นา ตู หมึอม. โกบ มูห แม อัน เฌา อี อึบ กาดาย บอ มึห ปวน ตาง บอ อาพูง ดังโคว ตาง อี กอย ดอน โจว ดอน บาน, เย ซาคึร ปาย ตี.’

เซ เบ บลัวะ แวน หมาบ อี, บอ เฌาพรา อี ปี ฆูณ เบ, อี กอย ฆางหราว, อัน ดี บลัวะ แวน บอ หมาบ เบ.

แตห เบ ยอด มาซีม อี กอย แคง เบลณ. เฆ ตู ซัม มาเซ. แฮะ ฮอต, เฆ ตู วี โซะ มาเซ. เฆ มืร ตู อูน ปี ดี โฮม เฆ แคง บูะ โหงว. เฌาพรา อี ปี ฆูณ เฆ, อี กอย ฆางหราว, อัน ยี เฮียง เฆ โฮม. อึณ ยี มูห เบ, ง็อห เบ แฮะ ตาง หลึอม ง็อห มาซีม.

แฮะ ฮอต กาลาง โฆรห ตี, เฌา เยซู วี ต็อห, “แกวะ กาฌูะ อูน โกรวกราม แบน โมยว แบน โมยว ปี ปึอน โฮม มาวัะ, ปี ปึอน โฮม เอียงเรียห. แกวะ อูน โกรว ปี ปึอน อี ดี ปรา. เบ ยี โลว โบง แตห อึณ ปี เบ อูน โกรวกราม แคง มืง ฆางหราว. โกรวกราม ฌึร ตี อาว มูห โมยว ปี ปึอน โฮม มาวัะ เฆ เอียงเรียห. โดง ปี เบลห อูน เบ ฌึร ตี, ดา ปรา อาว ปึอน ตัห ลึบ, อาว ปึอน ปรา. โคว, โดง อูน เบ โกรวกราม เบ, บอ น็อห เบ ดี บอ นัมโหลห ดี ตี เซเซ.

อาว มึห ดูอี อี ปึอน แบน หมาย ดา กาณา อา วี. เซ อัน ร็อก อู วี, อัน ดี วี ฌ็อง ปอ อู วี. เซ อัน บอ โทม โฆรห อู วี, อัน ดี แวน โฆรห ปอ วี. ปาย ตี บอ เบ ตู ปึอน โดบ ซีคยา เฌาพรา บอ โบง แบน โมยว แบน โมยว แตห เบ ปึอน กืน รึอน.

เปต แฮะ กอย อาตึร. แคหณา เงา วี กาซึม เปต ตี. เซ เฌาพรา แตห โบห เฆ เปต ชีด แคะ ตี, แตห เบ นับ ซีคยา, อัน ดี บอ ดัว ครึง ปี ดี ตา ดี เบ, แตห อึณ หลึอม ตี. อึย เบ ดูอี, เหมา อึณ ปาย ปี หณึม เบ อี แจก แคง น็อห เบ?

เซ เบ ดัว โกรว เบ ดี ดูอี ฆีน, แกวะ แตห อาเซ นับ ปี โบง เบ. แตห มี เบ นับ ลอง อัน ตี. เซ อึณ ปาย ตี, เฌาพรา อี ปี ฆูณ เบ, อัน ดี วี ยอด แปะ แฮะ โบง เบ. อัน ดี วี โบง, แตห อึณ แบน อาฆยึร ดี เบ.”

ปัน ตี เฌา เยซู วี มาโนว ต็อห, “เซ เบ จอย อี เฮา, เบ โลว ซาดีก น็อห เบ. เซ เบ โบง นา หมึอม ปี อึง เฌาพรา, แกวะ โบง แตห อี เฮา ยึร. เซ เบ ตู ซาดีก ปาย ตี, เฌาพรา อี กอย ฆางหราว, อัน ตู วี แตห อึณ แบน อาฆยึร ดี เบ.

ปัน ตี เฌา เยซู วี มาโนว ปอ อู โมยว. อัน ต็อห, “เซ เบ ยืน ปี ดี โฮม, แกวะ แตห เบ มึห นา อี ตู ดาคึย ปี เฆ ดูอี ณึงราง บอด. เฆ นับ ดี โบง แตห นา เฆ อาว ชีด, แตห อึณ บยัะ ดี อี ลอง ยืน เฆ ปี ดี โฮม. โอว ต็อห อาคัร ดี เบ, เฆ อี โบง ฌึร ตี, เฆ แฮะ ปึอน แคะ ซี ปึอน เฆ. เซ เบ ยืน ปี ดี โฮม, แตห เบ พ็อห นามัน ดี ฆีณ เบ, ดีหล็อห เบ. แกวะ แตห อึณ ลึห ดี อี ลอง ยืน เบ ปี ดี โฮม. แตห มี เฌาพรา นับ ลอง อัน ตี. เฌาพรา ตู แตห อี ยึร อัน. อัน ยี นับ ดี ยึร ปี ตู ปึอน ยึร อี เฮา. อัน ดี บอ แตห ปี ยืน เบ ปี ดี โฮม วี แบน อาฆยึร ดี เบ.”