Popular Bible Verses from มท 16

Share

ปัน ตี เฌา เยซู วี กาลาง ดี เฆ ดีแบ อัน ดอน อี. อัน ต็อห, “อาเซ ซี โดบ โอว อาว ปึอน โบง ปี อึง อัน. อัน โลว เบลห น็อห อัน ต็อห, ‘เซ โอว ปี บอ โลว ยัม มืร, โอว ยี ดี โดบ อัน เฌา เซเซ.’

โอว มืร ต็อห ดี แม, แม มูห อาเปตารู. ลอง ดาง จืร แม ตี, อึณ มูห มาว ตาง. โอว ดี แตห แม แดะ ดูอี กืน โดบ โอว, แตห เฆ แบน พึง อี หณึม โอว. พึง ตี ดี ปี กาง ปี ซัม ดูอี แดง มาว ตาง ตี. เฆ ดี หณึม ซีคยา, ตู โยว ดี ยัม. อาเซ ต็อห ดี กาโฆห ดี เฆ, อัน ดืน ตู แป ตู ออง ดอ เหมา.

เซ เฌาพรา ฮี อึบ กาดาย, โอว ดี แตห แม ปี ดูอี อี โฆ็ง ลัะคัดเซา อี ปึอน วึห มาโลห แคง โฮว คูนดีคัม. โอว แตห แม มึห ปวน ปี ดูอี ฌึร ตี. แคะ ปี จัร แม ดูอี โบง แดง กาดาย นี, บอ เฌาพรา อี กอย ฆางหราว ดี ต็อห, แฮะ มูห, แฮะ หมาน. แคะ ปี แคร แม แดง กาดาย นี, บอ เฌาพรา ตู แตห อี โบง.”

อาเซ หลัยะ อาซาก อัน, อาซาก อัน ตี ดี ชึม. อาเซ ยี ตู โยว ดี ยัม โกบ หณึม อัน ดี โอว, อัน ดี วี ปึอน อาซาก กามาย.

เซ ดูอี อู วี แฮะ ปึอน โตต ดอน โมยว แคะ ปี ซี ปึอน อัน แดง กาดาย นี, อาซาก อัน ยี ชึม, โจห กาโละ งาราย, โกรว แปะ แฮะ ปึอน อัน ตี, อาว แบน อาฆยึร มาเซ ดี อัน. ดูอี มืร ตู ปึอน ดัว มาเซ, แตห เฌาพรา คยอด อัน, แกวะ แตห อาซาก อัน ชึม.

เฌา เยซู วี ต็อห, “เบ แล, เบ ทาง, โอว มูห อาเซ?” อาซีโมน อี จืร บอ อาเปตารู ตึอน, อัน วี เวียะ โฆรห ตี. อัน ต็อห, “แม มูห อัน เฌา ปี ร็อห ปี ตึย เฌาพรา แตห แม คยอด ดูอี. แม มูห ฆอน เฌาพรา อี กอย เซเซ, อี ตู นับ ดี ยัม.”

เฌา เยซู วี ต็อห, “แม อาซีโมน อี มูห ฆอน อาโยวนา, เฌาพรา แฮะ ม็องการา แตห ดี แม. อาว มึห ดูอี อี แฮะ มาโนว แม. อึณ มูห ฆูณ โอว, อี กอย ฆางหราว, อัน แฮะ บยัะ ดี แม ลอง โอว.