Popular Bible Verses from มท 12

Share

โอว ยี ต็อห ดี เบ, เซ เฌาพรา ดี ซูงพยาด อามู ดูอี ดอน อี, เฆ ดี โลว กาลาง โฆรห แปะ แฮะ ดึอม กาลาง เฆ. โฆรห ตี ดอน แด อี ตู มึห ดีโคว, เฆ โลว กาลาง, เหมา อึณ ปาย ปี กาลาง เฆ โฆรห ตี. โคว, อึณ มูห โฆรห ปี ดึอม กาลาง เบ อี แตห เฌาพรา บลัวะ แวน หมาบ เบ. อึณ บอ มูห โฆรห เบ อี แตห เฌาพรา ดัม หมาบ เบ.” แคะ ตี เฌา เยซู กาลาง ดี เฆ ดูอี แคง พึง พารีแซ ตึอน.

เบ ยี ปี ฆอน ฮัณ เงียน. โกบ ตู หมึอม เบ, เบ ตู ปึอน กาลาง โฆรห อี หมึอม. โคว, มาเซ อี กอย โนะ แคง น็อห ดูอี, โมต อัน มืร นับ ดี กาลาง ลอง อัน ตี.

เซ อึณ มึห ดูอี หมึอม, แคะ กอย นา หมึอม แคง น็อห อัน, อึณ ดี บอ เลห. เซ อึณ ยี มึห ดูอี ตู หมึอม, อึณ ดี เลห แคะ กอย อี ตู หมึอม แคง น็อห อัน.

โคว, โอว ต็อห ดี เบ, แคะ มึห หมาบ แบน โมยว แบน โมยว ปี โบง ดูอี บอ โฆรห จีจีว ปี กาลาง เฆ ดอน โมยว ลอง เฌาพรา, เฌาพรา ดี บลัวะ แวน หมาบ ฌึร ตี. เซ อึณ ยี มึห ดูอี, เซ อัน กาลาง นา จีจีว ลอง น็อห พึอม เฌาพรา, หมาบ ฌึร ตี, เฌาพรา ตู บลัวะ แวน ดอ เหมา. อาเซ โบง หมาบ ฌึร ตี, อัน โลว คัม เซเซ หมาบ อัน ตี.

เฌา เยซู แฮะ ฮอต กาลาง โฆรห ตี, อัน วี ต็อห, “เซ อึณ มึห เฮ อู กาดัง, เซ เบ ลึมลา เฮ ตี แตห อัน หมึอม, บอ เบล อัน ดี หมึอม. เซ เบ ตู ลึมลา บอ แตห เฮ ตี ลึร, บอ เบล อัน ดี ลึร. ปาย ตี, เซ เบ ยึร เบล อี กอย ดี เฮ, เบ ดี บอ นับ, เฮ ตี แฮะ หมึอม ตู หมึอม.