Popular Bible Verses from อาโยวซูอา 10

Share

ปาย ตี ซีแง บอ ฆืด อู เฌณ. มาเฆียน มืร ฆืด, แตห อึณ กอ ฌัม ปัน ดี ฮอต เฆ กาโฆห ออง รันซู เฆ. ลอง อัน ตี, อึณ แฮะ แดม อูน แคง บับ อายาซา. ซีแง บอ ฆืด จ็อง แคง ฆางหราว, อาว ฮู กาเตา ดี เฆต, อึณ กอ ซี โนะ อู ซีแง.

ดอ แตห เฌาพรา เฆ ดูอี อีซาเรลัะ แป ดูอี อาโมวรีด ตี, อาโยวซูอา วี ซาคึร บอ กาลาง ดี อาต เฆ ดูอี อีซาเรลัะ ต็อห, “อึย ซีแง, แตห แม จ็อง ฆืด กาโรย มืง กีปอง. อึย มาเฆียน, แตห แม จ็อง ฆืด กาโรย ดีลัยะ อาจาลูน.”

อาต อัน ตี อาว ดึอม แบน ปาย ตี คอ อู ซีแง. วาย อัน ตี มืร อาว ฮู มึห ปาย ตี ปอ อึณ ปัว. เฌาพรา แฮะ โทม โฆรห ดูอี. โคว, อัน แฮะ กอย รึม โดบ เฆ ดูอี อีซาเรลัะ, กาโฆห ดี รันซู เฆ.

เฌาพรา วี กาลาง ดี อาโยวซูอา ต็อห, “อาว โลว โยว เฆ. โอว ดี แตห แม แป เฆ, อาว มึห อาเซ อี ดี ปึอน คัม แม.”

แฮะ ฮอต ปาย ตี อาโยวซูอา วี กาลาง ดี เฆ ดา โบว ตี ต็อห, “เบ แกวะ โยว, อาว โลว น็อห เตียะ. ปีโปลม น็อห เบ, แตห เบ มึห น็อห ยัะ. เฌาพรา แฮะ แตห เบ โบง ปาย ตี ดี รันซู ปี ดี กาโฆห เบ.”