Popular Bible Verses from อาโยวซูอา 1

Share

แตห แม โหลห ปี ดัม อูน โอว ดี แม. โอว ต็อห, แตห แม มึห น็อห ยัะ บอ ปีกยัะ แม. อาว โลว โยว, อาว โลว น็อห เตียะ. โคว, โอว อี มูห เฌาพรา ปี กรึบ แม ดี บอ กอย รึม โดบ แม ดอน นา ดอน โปละ.”

แตห แม กาลาง ดารา ตี เซเซ. แตห แม กาดัวะ กาพา ดารา ปี แดม อูน แคง บับ นี ดอง วัน ดอง คืน. แตห อึณ แตห เบ ปึอน ดี โดบ ซีคยา. เซ แม โบง ปาย ตี แม ดี บอ ออง. อึณ บอ แบน แคะ ปี โบง แม.

แตห แม มึห น็อห โปลม บอ มึห น็อห ยัะ อาคาคัร. แตห เบ ปี วี คัด น็อห ดี โบง โดบ ซีคยา ดารา แปะ แฮะ กาลาง แดเจณ โอว ดี เบ อี มูห อาโมวแซ. แตห อึณ ปี เบ ฮาว ซืร โดบ อึณเตณ, แกวะ แตห เบ วัห นา ฆัะ นา อัห. เซ แม โบง ปาย ตี แม บอ ฮาว ดี เหมา, แม ดี ออง เซเซ.

อึย อาโยวซูอา, อาว มึห อี ปึอน คัม อี ปึอน กาแคณ ดี แม บอ โจว แม. โอว ดี กอย รึม โดบ แม ปี ปี ดึอม กอย รึม โอว โดบ อาโมวแซ ตึอน. โอว ดี กอย รึม โดบ แม เซเซ, ตู แวน แม ดอ เหมา.

แตห แม มึห โปลม บอ มึห น็อห ยัะ. โคว, แม โลว โบง แตห ดูอี เฆ ตี ปึอน ดี บึง คาฆูน แคง มืง แปะ แฮะ กาแซณ อูน โอว ดี เฆ ฆูณ ดัง เบ.

กาดาย โดง ดี แณต ฮาว เบ โอว ดี ดัว ดี เบ, แตห อึณ โดบ ปี ดึอม กาแซณ โอว ดี อาโมวแซ ตึอน.

“แดเจณ โอว อี จืร อาโมวแซ แฮะ ฮอต ยัม. บอ แม บอ เฆ ดูอี อีซาเรลัะ บอกาเฆลียด แตห เบ แรน โดว เบ, แตห เบ ฮาว กาโลห อึม แบลง ยอดาน, แตห เบ ฌัม แคง มืง ปี ดี ดัว โอว ดี เบ อี มูห ดูอี อีซาเรลัะ.

วาย แฮะ ยัม อาโมวแซ อี มูห แดเจณ เฌาพรา, เฌาพรา วี กาลาง อูน ดี วี อี จอย อาโมวแซ อี จืร อาโยวซูอา, อี มูห ฆอน อานูน ตึอน. อัน ต็อห

กาอูน กาดาย เบ ตี, อึณ ดี บอ จูห ดี แปร กาฮ็อห บลาก นา เตต, วี โฮะ ฌัม ดี นอน เลบานูน บลาก นา กัว. นา เลห ซีแง อึณ ดี จูห บอ ดี อึม แบลง อูพาราด, อี มูห กาดาย เฆ ดูอี เฮทีด. อึณ บอ ฮาว แตห อึณ กอ วี ฌัม ดี อึม นัมมูกซารา บลาก นา เฆต ซีแง.

อาเซ วี แทณ โฆรห แม บอ ตู ซี โทม โฆรห ปี กาลาง แม, ดูอี วี ตี โลว คัม ดี ยัม. มาแล, แตห แม มึห แฮณ บอ มึห น็อห ยัะ.”

“แตห เบ ฮาว โดง กอย เฆ ดูอี กืน, กาลาง ดี เฆ ต็อห, ‘แตห เบ แรน อูน โกรวกราม เบ. โคว, วาย โอย ซีแง เบ โลว กาโลห อึม แบลง ยอดาน, ฮาว ดึห มืง ปี ดี อาบ เฌาพรา ดี เบ.’”