Popular Bible Verses from อาเยเรมี 50

Share

ปี บอ แฮะ ปาย ตี มืร, อัน เฌา อี ดี ทูด เลห เฆ ยี มึห โปลม มึห แฮณ กืน กาเซา. อัน เฌา บอ จืร เฌาพรา อี อึบ โตต ดอน โมยว. อัน เฌา ยี ดี วี อึณปราย, วี โบง แตห กาดาย ปี อึบ อัน กอ วี หมึอม วี เยน ดาคึย. มาแล, อัน ยี ดี ปยาต ดูอี แคง มืง บาแบ.

เฌาพรา ปี วี ต็อห, “เฆ ดูอี ปี อึบ โอว, เฆ แฮะ ปี มาบู อี แฮะ โบยห. เฆ ดา อี เฮียง มาบู แฮะ วี แยต แตห เฆ กาลึบ อึณเตณ, แตห เฆ วี ฮาว วีว ฮาว เวณ แดง นอน. เฆ มืร แฮะ กาลึบ อึณเตณ, แฮะ ฆว็อง แปร บอ ยีต ดี นอน อู โบ็ง, ปี วี ฮาว ดี นอน ปอ อู โบ็ง. เฆ มืร อาว ฮู นับ โดง กอย บรีม เฆ.

เฌาพรา ต็อห, “ซีแง ตี อาคราว ดอ อัน ตี ดูอี เฮา ปี บอ วี เหรต ดี แฌด ดี ยอด หมาบ เฆ ดูอี อีซาเรลัะ มืร, อาว ฮู มึห มาเซ. อี เฮา ปี บอ วี เหรต ดี ยอด นา ตู หมึอม เฆ ดูอี อายูดา มืร, อาว ฮู ยึร. โคว, โอว แฮะ ฮอต ฆ็อห แวน โตต หมาบ เฆ ดูอี อี ซี ฆีด ซี กอย.