Popular Bible Verses from อาเยเรมี 17

Share

เซ ดูอี บอ แตห เฌาพรา แบน โดง บึง อัน, อึณ ดี แตห อัน ปึอน ม็องการา แบน น็อห ดาคึย ดี อัน. ดูอี วี ตี ดี บอ ปี เฮ อี กอย โคบ แบลง อึม. เรียห อัน มืร ดี บอ เหรห บอ ตาง, กอย โคบ แบลง อึม ตี. อัน มืร ตู โยว กาฮัวะ ซอดาด ดอ เหมา. หลา อัน มืร ตู เฮียะ ตู กาฮ็อห บอ เงียน เซเซ. ฆลาย ปี ซัะ โจห อาดา อู ซีนัม, อัน มืร ตู โลว โยว. เบล อัน มืร ดี บอ เบล เซเซ.

น็อห ดูอี บอ นับ ดี โฆะ แฆะ หลึอม โมยว เฮา ดอน โมยว. อาว มึห อาเซ อี ปึอน นับ ปี ปาย น็อห ตี.

อึณ บอ มูห โอว เฌาพรา อี แฮะ แฌด ดี ยอด น็อห พึอม ดูอี ดอน อี. โอว บอ นับ บอ อี กอย แคง กาโดม กาเซียะ ดูอี ดอน อี. โอว ดี บอ วี โบง เวียะ ดี เฆ วี เหมา วี อัน, แตห อึณ กาดาน แคะ ปี ดึอม โบง เฆ.”

แฮะ ฮอต, เฌาพรา ปี วี ต็อห, “อาเซ บึง ดูอี บอ น็อห ตาง มี ดี โปลม เฆ แฮณ ดูอี, อัน ดี คัม ปี ดืง เฌาพรา. น็อห พึอม อัน มืร อาว ฮู กอย รึม โดบ เฌาพรา. ดูอี วี ตี บอ ปี ยวน อี กอย แคง แปร กาฮ็อห. อัน มืร ตู ปึอน ดี ยึร ลอง นา บอด นา หมึอม. อัน ดี บอ กอย แคง ฆลัง แคง กาดาย อี แฮะ กาฮ็อห กาฮัณ. อึณ บอ มูห กาดาย อี แฌม ปี ซัยะ, โดง ตู มึห ดูอี อี กอย.

อึย แม เฌาพรา, โอว หมาณ, แตห แม เฌา ซีนัม แตห โอว แกน. แฮะ ฮอต, โอว ดี บอ แกน. โอว หมาณ, แตห แม เฌา คยอด โอว. แฮะ ฮอต, โอว ดี บอ ลอด อาเพ อาเร. แม เฌา บอ มูห เฌาพรา ปี อืบ มยูก โอว.