Popular Bible Verses from อี ซูงพยาด 7

Share

เฌาพรา วี กาลาง ดี อากีดีโอน ต็อห, “ดูอี อี กอย โดง กอย แม นี, เฆ แฮะ กืน กาเซา. โอว ตู ปึอน แตห เฆ ออง ดูอี มีดีอาน เฆ นี. โอว โยว เฆ ดูอี อีซาเรลัะ ดี วี ปีพูง เฆ, วี ทาง, แฮะ มูห โกบ กยัะ เฆ, เฆ แฮะ ออง.

เฌาพรา วี ต็อห ดี อากีดีโอน, “โอว ดี ดึห เฆ อาดา โอย มาย็อห วี อี เลียะ ตี, แตห เฆ คยอด แม, แตห แม ออง, แตห แม แป ดูอี มีดีอาน เฆ ตี. เฆ อี เฮา, แม วี จัร แตห เฆ ดอน อี เวณ โดง กอย เฆ.”

แตห แม วี กาลาง ดี เฆ ดูอี กืน ตี ต็อห, ‘เบ อี มึห น็อห โยว, อี ซีมา กาจัว, แตห เบ วี เวณ. แตห เบ เลห ดี นอน ฆีเลอาด นี.’” ปาย ตี ดูอี อาดา อา หมึณ ดี อา แหรณ วี บอ วี เวณ. อึณ บอ ฆีด อาดา อู หมึณ วี.

ปาย ตี เฌาพรา ปี วี ต็อห ดี อากีดีโอน, “ดูอี ซี แนะ กืน. โอว ดี กาย็อห เฆ ดี แม. เซ โอว ฮี ต็อห, ‘วี นี โลว ฮาว โดบ แม,’ อัน โลว ฮาว. เซ โอว ยี ต็อห, ‘วี นี ตู โลว ฮาว โดบ แม,’ อัน ตู โลว ฮาว.”

ปาย ตี อากีดีโอน วี แดะ โลง ดูอี เฆ ตึอน ดี บาง อึม. เฌาพรา วี ต็อห ดี อัน, “แตห แม กาย็อห เลห ดูอี เฆ อี ตัห เดียง อึม อี เลียะ ปี มาโซว, อูน แบน อู พึง. เฆ อี ตัห ครึบเครา, เดียง แตห เฆ แบน ปอ อู พึง.” เฆ อี เลียะ เดียง, เฆ กอย โอย มาย็อห วี. แดง ตี เฆ ครึบเครา เดียง ดอน อี.