Popular Bible Verses from อี ซูงพยาด 16

Share

แฮะ ฮอต ปาย ตี อัน มืร วี ดัด ต็อห, “อึย อาซามโซน, ดูอี พีลีที แฮะ ตัห ต็อห ดี เหมต แม.” อาซามโซน บอ อึณซึห. อัน วี กาพา ต็อห, “โอว ดี บอ ลอด ปี อาต นี ตึอน.” อัน ยี ตู นับ เฌาพรา แฮะ ฮอต เบลห แวน อัน.

ดอ อัน ตี อาซามโซน บอ ซาคึร เฌาพรา ต็อห, “อึย แม เฌาพรา อี อึบ โตต ดอน โมยว, แตห แม โหลห โอว อี มูห แดเจณ แม. โอว หมาณ, แตห แม ดัว แฮณ ดี โอว มี ปอ เฌณ นี, แตห โอว ปึอน ดี วี โบง เวียะ ดี เฆ มี ปอ อู เฌณ นี. แตห โอว ปึอน ดี วี โบง เวียะ ดี เฆ ดูอี พีลีที อี แฮะ แฆวะ เลห งาย โอว บอ อา บลาก นี.”

ปาย ตี อัน บอ กาลาง แคะ บอ มึห แคง น็อห อัน. อัน ต็อห, “ฮึก ฆีณ โอว นี, โอว ตู ดึอม ฆาะ ซีณ ดอ ฆึอด โอว. โอว แฮะ อาบ หลู โดว โอว ดี เฌาพรา, แบน ดูอี นาจารี. เซ ฮี ฆาะ ฮึก ฆีณ โอว นี, โปลม โอว เฆ แฮณ โอว ดี วี โยม โลง ปี อี เฮา.”

อีบึณ ตึอน บอ ดูก อัน ดอน หมึร ดอน หณา, แตห อัน กาลาง, แตห อัน กอ ปึร กอ แพ, แตห อัน กอ วี ซี ยัม.

อัน มืร ดัด ต็อห, “แตห โอว ยัม รึม โดบ เฆ ดูอี พีลีที เฆ นี.” อัน มืร ปีเลห โตต แคะ มึห อัน แฮณ บอ ฌูน ร็อง ตี. กาง ตาง ตึอน บอ กาบัก ดีฆรับ โลง ทีบ แดง เฆ ดา ตาง บอ เฆ ดูอี บอกาเฆลียด. ปาย ตี เฆ อี ยัม รึม ดอ ยัม อัน ตี, อึณ กืน หลึอม เฆ อี ยัม ดอ ซี อีม อัน.