โคว, เฌาพรา อี ตาง อี มยาด, เฌาพรา อี ซีงา บอด อี กอย เซเซ, อัน ต็อห, “โอว มูห อัน เฌา อี กอย โดง จา โดง ซีงา บอด. โอว บอ กอย รึม โดบ เฆ ดูอี อี มึห น็อห โฆม, น็อห เตียม. โอว ดี บอ บยอง น็อห เฆ, แตห เฆ อี มึห น็อห โฆม, วี มึห น็อห ตาง, บอ เฆ อี มึห น็อห เตียม, แตห เฆ วี มึห ปี หน็อะ อึณด็อะ, มึห ปี มาง.
โอว มืร อาว ฮู เอห เฆ เซเซ, อาว ฮู ปีรู ปีจาว ดี เฆ เซเซ. เซ โอว ตู โบง ปาย ตี, น็อห พึอม เฆ ดี ดีหลัห. เฆ ดูอี แปะ แฮะ ฮับ โอว น็อห พึอม โอว, เฆ ดี บอ ยัม.
