Popular Bible Verses from อาอีซายัะ 51

Share

“โอว อี มูห เฌาพรา, โอว อี ปึอน เหลา น็อห เบ, แตห เบ ดาคึย. เหมา อึณ ปาย ปี วี โยว เบ ดูอี อี นับ ดี ยัม บอ เฆ ฆอน ดูอี อี ปี แปร เฆ เปต ตึอน?

โอว แฮะ ฮับ โฆรห โอว แคง โมต แม. โอว มืร แตห แม กอย ครึม ยาบ แด โอว. อึณ บอ มูห โอว อี แฮะ บลัห เบลณ บอ เบลห อูน ดัง กาดาย. โอว บอ วี ต็อห ดี เฆ ดูอี อี กอย แคง มืง ฌีโอน, ‘เบ มูห ดูอี ปี อึบ โอว.’”

อึย เบ ดูอี อี แฮะ นับ ลอง น็อห ซืร น็อห หมาน โอว, บอ เบ อี แฮะ ดึห อูน ดารา โอว แคง น็อห เบ, แตห เบ โทม โฆรห โอว. แกวะ แตห เบ โทม เซ อี เฮา แนนัะ เบ. แกวะ แตห เบ โยว เซ เฆ พยาก เบ.

อัน เฌา ดี วี เหลา น็อห เฆ ดูอี แคง มืง ฌีโอน อี แฮะ กาปยาต ลึร. ดอน โปละ อี แฮะ วี แบน แปร กาฮ็อห, โอว ดี วี โบง แตห อึณ วี ปี กาปึม เอเดน. โดง มูห กาฮาต ดี วี แบน กาปึม อี ชีด กาเซา. เฆ อี กอย โดง ตี, เฆ ดี บอ โบยว ดาคึย บอ เกยา ดี น็อห เฆ. เฆ ดี วี ต็อห โหมว อี ดาง ฆูง เฆฌู อี อืบ มยูก อัน เฌา.

เฆ ดูอี แปะ แฮะ ทูด เลห แม เฌา ตี, เฆ ดี วี ตัห ดี มืง ฌีโอน. เฆ ดี บอ โคย ดาคึย ต็อห โหมว ตาง ตาง บอ โบยว โบยว เกยา เกยา. เฆ มืร ดี โคย ดาคึย ปาย ตี เซเซ. เฆ มืร ดี ลอด ดูก ดี น็อห ดี พึอม, อาว ฮู โลว กลึร, อาว ฮู โลว เหงา ดอ เหมา.