Popular Bible Verses from อาอีซายัะ 25

Share

อึย แม เฌาพรา, แม มูห เฌาพรา ปี กรึบ โอว. โอว ดี อืบ มยูก แม เฌา. โอว อืบ แคะ ตาง ปวน แม เฌา. แม เฌา แฮะ โบง อี หมึอม อาม กาเซา. แม เฌา บอ มึห น็อห ซืร น็อห หมาน บอ โบง โดบ แคะ แปะ แฮะ คราม แม ดี โบง ซีณ ดอ มึอน.

เฌาพรา อี อึบ โตต ดอน โมยว ดี บอ ดึห แวน เฌา มารานัะ, แกวะ แตห อี ยัม ดอ เหมา. อัน เฌา ดี บอ คูด แวน อึม งาย เฆ ดูอี ดอน อี. อัน มืร ตู แตห อี แนนัะ เฆ ดูอี ปี อึบ อัน, แกวะ แตห อึณ มึห อาเซ แดง กาดาย อี ปึอน ดี คาหนาบ เฆ. เฌาพรา แฮะ กาลาง อูน ปาย ตี.

ดอ อัน ตี เฆ ดูอี ดอน อี ดี บอ ต็อห, “อัน เฌา มูห เฌาพรา ปี กรึบ เอ. เอ แฮะ บึง อัน เฌา, แตห อัน คยอด เอ. อัน เฌา มืร มูห เฌาพรา ปี หน็อะ อึณด็อะ เอ, แตห เอ โคย ดาคึย โกบ แฮะ คยอด อัน เฌา ดี เอ.”

แดง นอน ตี อัน เฌา ดี บอ ดึห แวน อี ดูก อี หณาบ ดี น็อห เฆ อี ปี บีก อี กาโหมะ นา เฆ. อัน ดี บอ ดึห แวน อี ปลึก เฆ ดูอี ดอน โมยว.

แดง นอน ตี เฌาพรา อี อึบ โตต ดอน โมยว อัน ดี บอ แรน บลอย ตาง, เฮียง เฆ ดูอี บอกาเฆลียด. อัน เฌา ดี บอ ดึห ปี ดี โฮม อี หมึอม อี ซีแงห บอ อึม มางูน อี หมึอม อี ซีแงห หลึอม โมยว เฮา, วี เฮียง เฆ โฮม.