Popular Bible Verses from ฮบ 2

Share

อัน เฌา แฮะ ดึอม คัม ดูก ตาง ดอ แฮะ กาซูห โบว กานัม ดี อัน, แตห อัน โบง หมาบ. โคว, อัน ปี วี ปึอน จอย เฆ ดอน อี อี กาดูห ปี กาซูห โบว กานัม, แตห เฆ โบง หมาบ.

ดูอี เฆ ตี, เฆ บอ มูห ดูอี อี มึห โดว โบ็ง. โคว, บอ เฌา เยซู แฮะ แบน ปี เฆ, แตห อัน คัม ดี ยัม, แตห อัน ปึอน ดี ปยาต แวน ปวน เฌา มารานัะ อี แตห ดอน อี ยัม, อี มูห โบว กานัม.

โกบ อึณ ปาย ตี, อาเร อัน แฮะ ตาง กาเซา, แตห เอ แว โทม ซีคยา โฆรห เฌาพรา แปะ แฮะ ดึอม โทม เอ, แกวะ แตห เอ ปีว ดอ เหมา, แกวะ แตห เอ แกร ดี ลาย กายาน ดี เฌาพรา.

โกบ อึณ ปาย ตี, ปี โบง ปี ปาย เฌา เยซู ดอน โมยว, อึณ โลว แบน ปี เอ ดูอี อี มูห วา อัน. ปาย ตี, อัน แฮะ ปึอน ดี แบน ดา ตาง อี อึบ โตต ดูอี อี หลู ดี เฌาพรา ดาง เอ. อัน ดี บอ มึห น็อห กาเว เอ บอ นับ ดี โบง ซีคยา ฆาน เฌาพรา. อัน ดี บอ ปึอน ดี โบง แตห เอ ดูอี บอกาเฆลียด วี ดาคึย ดี เฌาพรา.

เอ ยี แฮะ ยึร เฌา เยซู. เฌาพรา แฮะ แตห อัน โยม เฆ อามู อามาด เฌาพรา อาดา อี แจก. โกบ คัม อัน ดี ยัม กาดาง ดูอี ดอน อี, อัน แฮะ วี มึห ซาเร บอ อาพูง ดังโคว อี ปี อัน ชึบ มังฆึม. ปาย ตี, อึณ มูห ปี เฆฌู เฌาพรา อี แฮะ แตห อัน คัม ดูก, คัม ดี ยัม, แกวะ แตห เอ ดอน อี วี โลว คัม.