Popular Bible Verses from ฆท 3

Share

เฌา เยซู ยี แฮะ ทูด เลห เอ, แกวะ แตห เอ โลว โดบ ดารา, แกวะ แตห เอ คัม กาซัม ดืง เฌาพรา. ดอ คัม เฌา เยซู ดี ยัม แดง ร็อง กาแวะ, อัน แฮะ คัม โตต ปี ดืง เฌาพรา กาดาง เอ. โคว, แคง บับ เฌาพรา อึณ แฮะ แดม อูน ต็อห, “วี อี คัม ดี ฮอย แดง ร็อง กาแวะ, อัน มูห วี อี คัม หมาบ, คัม ซัม ดืง.”

โคว อัน ตี อาว ฮู โลว กาย็อห ดูอี. บอ มูห ดูอี อายูดา บอ ดูอี ฆรีก, บอ มูห หมาย อี บอ อี แฮะ กอย ทังฮาง, บอ มูห อีบึณ อีมาย, เบ บอกาเฆลียด แฮะ มูห โตต อู โมยว โกบ หณึม เบ เฌา เยซู.

เซ เบ แฮะ แบน ดูอี อี หณึม บึง เฌา เยซู, เบ แฮะ แบน บอ หลูกหลาน อาบราฮัม. เบ มืร ดี ปึอน คาฆูน ปี ดึอม ดัว เฌาพรา กาดีก ซัดฌา, ปี ต็อห อัน ดี ดัว.

เฌา เยซู แฮะ ทูด เลห เอ ปาย ตี, แตห บอ ดูอี อาโมยว เฮา ปึอน ม็องการา ปี ดึอม ดัว เฌาพรา ดี ดา อาบราฮัม ตึอน. อี มูห เอ, โกบ หณึม เอ โฆรห ปี กาแซณ เฌาพรา ตี, เอ มืร ปึอน น็อห พึอม เฌาพรา.

ปาย ตี อึณ ลึห ซีคยา, เฌาพรา ตู แตห อาเซ มึห น็อห ซืร น็อห หมาน โกบ โบง โดบ อัน ดารา. โคว, อึณ แฮะ แดม อูน แคง บับ เฌาพรา ต็อห, “เฆ ดูอี อี มึห น็อห ซืร น็อห หมาน, เฆ ดี หณึม บึง เฌาพรา เซเซ ดอ กอย เฆ แดง กาดาย นี.”