Popular Bible Verses from เลห 9

Share

กอ ฌัม อาตึร อึณ ยี มูห โอว, โอว แฮะ แตห แม ซี กอย, แตห โอว ปึอน ดี บยัะ ปวน โอว ดี แม. ปาย ตี เฆ ดูอี อี กอย แดง กาดาย ดอน นา ดอน โปละ, เฆ ดี บอ นับ ลอง โอว.

ปัน ตี เฌาพรา วี ต็อห ดี อาโมวแซ, “แตห แม วี ฮาว ฌัม โดง กอย คูนดีคัม พาโรว, กาลาง ดี อัน ลอง มูห โอว เฌาพรา ปี กรึบ เฆ ดูอี แฮแบร.” โอว ต็อห ดี อัน, “แม โลว แตห เฆ เลห ฮาว, แตห เฆ หลู ดี โอว.

แฮะ เหลณ, แม ตู โทม โฆรห โอว. โคว, โอว แฮะ นับ ดี โบง แตห แม คัม ดูก ตาง. บอ แม บอ เฆ ดูอี กืน ปี อึบ แม, โอว แฮะ ปึอน โบง แตห เบ หราย, แกวะ แตห เบ มึห อาซาก. มาแล, โอว หณัม โบง ปาย ตี.

โอว ดี แตห โดว ซัดดาวา แม มึห เซา กาเซา. เฆ โดว ซัดดาวา แม, อี กอย แคง นา, เฆ มังปร็อง, มาโลว, มังปร็อง กาฮาต, มามัก, มาบู บอ มาแป, เฆ บอกาเฆลียด ดี เซา กาเซา. โอว ยี ดี กาย็อห เฆ โดว ซัดดาวา ดูอี อีซาเรลัะ, แกวะ แตห เฆ กาดูห ดูก ปี กาดูห เฆ โดว ซัดดาวา แคง มืง แอฆึบ. โดว ซัดดาวา ปี เฮียง ดูอี อีซาเรลัะ, อาดา อู โดว มืร ตู โลว ยัม.”

โคว, แคหณา อาคราว นี โอว ดี แตห เบรีย โจห ดี มืง แอฆึบ นี. อู ซีณ ดอ โฆว อัน กอ ฌัม ดอ ตี นี, อึณ ตู ดึอม มึห เบรีย ตาง แคะ ตี อี โจห แคง มืง แอฆึบ. ดอ ตี นี, แตห แม จัร ดูอี ซูต โดว ซัดดาวา ปี เฮียง เฆ, แตห เฆ ลึบ กอย นา แคง กาปึม, แตห เฆ ลึบ กอย นา ครึม ยาบ ทึบ. เซ แม ตู โบง ปาย ตี เบรีย ดี โจห แดง ดูอี อี กอย นา เรต, แตห เฆ ยัม ดอน อี. บอ เฆ โดว ซัดดาวา อี ซี กอย นา เรต ดี ยัม บอกาเฆลียด.”

อึณ ดี วี แบน กาปูห กอย ดอน โปละ แคง มืง แอฆึบ. อึณ ดี แตห บอ เฆ ดูอี บอ เฆ โดว ซัดดาวา แคง มืง บอ มืง แบน บึบ อี เลห กาตึม อัน บอ แบน กาดัวะ, แบน ดีม.” ปัน ตี ฆาย วี ดึห เบรา เงา แคง กาฟาง, ฮาว ฌัม ดี อาต คูนดีคัม พาโรว. อาโมวแซ บอ บรัด เบรา เงา. แฮะ ฮอต, เฆ ดูอี แอฆึบ บอ โดว ซัดดาวา เฆ, เฆ บอกาเฆลียด แฮะ แบน บึบ เฆ กาดัวะ, แบน ดีม ดี โดว โบ็ง เฆ.