Popular Bible Verses from นาง เอซาทา 6

บอ ฌัม แคง หมึร, คูนดีคัม อาว ปึอน ดี อีด. อัน บอ แตห เฆ ดึห ตัห แปะ บืน มืง ปี แดม อูน เฆ ดอ มูห โจว อัน. เฆ บอ ดึห ตีห, แตห คูนดีคัม โทม. เฆ บอ ตีห บอ ลอง อาโมวตาเก แฮะ กาลาง ลอง อาบีกาซัน ฆาย อาเดรีด ตึอน, อี มูห อี บัร มาโลห โฮว, อี แฮะ คราม ดี ง็อห ยัม คูนดีคัม อาฮาเซรู.

อาฮามาน บอ ตัห ลึบ โดง กอย คูนดีคัม. คูนดีคัม วี ต็อห ดี อัน, “แม ทาง, อึณ ดี โลว ปาย เหมา ดี ดูอี ปี ซี มยูก โอว คูนดีคัม?” อาฮามาน วี กาพา แคง น็อห อัน, “แดง โอว นี อาว มึห อาเซ ปี ดี มยูก คูนดีคัม, แตห อัน ตาง หลึอม อี.”

อาฮามาน แฮะ ฮอต กาลาง ปาย ตี คูนดีคัม วี ต็อห ดี อัน, “แตห แม ฮาว ครัน ครัน, ฮาว ดึห ครึง ตา เฆ อึณปร็อง, แตห แม โบง ดี อาโมวตาเก แคะ ปี กาลาง แม ตี ดอน โมยว. อาโมวตาเก มูห ดูอี อายูดา อี กอย บาง มาโลห โฮว ตึอน. แคะ ปี ต็อห แม ดอน โมยว ตี, อาว ปึอน แตห โยม คอ อู โมยว.”