Popular Bible Verses from ดารา 30

Share

ดอ ตี นี โอว แตห เบ ร็อห ลอง อี แตห เบ มึห อาซาก บอ ลอง อี แตห เบ ยัม บอ ลอง ปี ม็องการา ดัว เฌาพรา บอ ลอง ปี ดี ดืง เฌาพรา. โอว มืร แตห บอ กาดาย บอ ฆางหราว แบน ซักเซ ลอง แปะ แฮะ กาลาง โอว ดี เบ ตี. ปาย ตี แตห เบ ร็อห แตห บอ หลูกหลาน เบ มึห อาซาก. แตห เบ ร็อก เฌาพรา ปี กรึบ เบ, แตห เบ โทม โฆรห อัน บอ กอย กาดึก กาด็อะ ดี อัน. โคว, เซ เบ โบง ปาย ตี เบ ดี มึห อาซาก โต็ง, กอย แคง มืง แปะ แฮะ ดืง อูน เฌาพรา ดี ดัว ดี เฆ ฆูณ ดัง เบ อี มูห อาบราฮัม, อาแซก บอ อาโกบ เฆ ตึอน.”

โคว, โอว จัร เบ อาตึร นี, แตห เบ ร็อก เฌาพรา ปี กรึบ เบ บอ โทม โฆรห อัน. แตห เบ บอ คัม ดี โบง โดบ ดารา อัน ตี. เซ เบ บอ โบง ปาย ตี เบ ดี บอ แบน ดูอี อาโมยว ตาง กาแต ดูอี บอกาเฆลียด. เฌาพรา ปี กรึบ เบ ดี บอ ม็องการา ดัว ดี เบ แคง มืง โดง ดี ฮาว กอย, ฮาว บึง เบ ตี.

ดอ ตี นี โอว แฮะ แตห เบ ร็อห อี หมึอม บอ อี ตู หมึอม, อี แตห เบ มึห อาซาก บอ อี แตห เบ ยัม.

อาว มูห ปาย ตี. ดารา ตี แฮะ กอย เครียะ เบ. แฮะ กอย แคง โมต เบ บอ แคง น็อห เบ, แตห เบ โดบ.

เฌาพรา ปี กรึบ เบ ดี วี แตห เบ บอ หลูกหลาน เบ มึห น็อห อี นับ ดี โทม โฆรห, แตห บอ น็อห บอ พึอม เบ บอ โตต แคง น็อห เบ วี ร็อก อัน เฌา, แตห เบ บอ มึห อาซาก โต็ง บอ กอย แคง มืง ตี.

ปัน ตี เฌาพรา ปี กรึบ เบ ดี วี แตห ฆาน ปี โบง เบ ออง ดอน โมยว. เบ ดี บอ มึห หลูกหลาน กืน กาเซา. พึง มาบู เฆ มามัก เบ มืร ดี วี แบร กืน กาเซา. มาน เบ เฆ โดง นา เบ มืร ดี บอ เลห กาโย็ง กืน กาเซา. เฌาพรา ดี วี มึห น็อห โคย ดาคึย โกบ แฮะ วี มึห เบ, แตห อึณ ปี ดอ แฮะ โคย ดาคึย อัน ดอ มูห โจว เฆ ฆูณ ดัง เบ.

มาแล, เซ น็อห เบ ยี วี บลืง, ตู วี โทม โฆรห เฌาพรา ปี วี ฮาว โทม โฆรห ปี กาซูห อี เฮา ดี เบ, วี กรึบ เฌา ปี กรึบ ดูอี เฮา, โอว ต็อห ดี เบ อาตึร นี, เบ ดืน ดี ชึม อาคาคัร. อาซาก เบ มืร ตู โต็ง. เบ มืร ตู ปึอน ดี กอย เหลณ แคง มืง โดง ฮาว กอย เบ วาย กาโลห เบ อึม แบลง ยอดาน.

ดารา ปี กาลาง โอว ดี เบ อาตึร นี อาว มูห ดารา อี หณาบ โดบ. อาว มูห ปี ตู ปึอน โดบ เบ อี ปี อึณ กอย กาโต็ง ดี เบ.

อาว มูห ดารา อี กอย แคง ฆางหราว อี จา กาเซา. เบ ตู โลว ดีหมอด ต็อห, ‘อาเซ ดี โฮะ แคง ฆางหราว, ดึห ตัห ดารา ตี, แตห เย โทม, แตห เย โบง โดบ?’

ดารา ตี มืร ตู กอย นา ดอย อึม นัมมูกซารา. เบ ตู โลว ดีหมอด ต็อห, ‘อาเซ ดี กาโลห อึม นัมมูกซารา ฮาว ดึห ตัห ดารา ตี, แตห เย โทม, แตห เย โดบ?’