Popular Bible Verses from อาดาเนลัะ 5

Share

แม วี โบง กาบัห ดี เฌาพรา อี อึบ ฆางหราว, วี จัร อี ดึห ก็อก อี แฮะ ดึอม กอย แคง โฮว เฌาพรา, แตห เฆ ตัห โดง กอย แม. แคะ กอย เฆ อามู อามาด แม บอ นาง ฮอคัม แม บอ เฆ อีบึณ เตียะ แม, แม แตห เฆ วี ดึห ก็อก ตี, วี เดียง อึม มางูน นา แคง. แฮะ ฮอต, เบ บอ วี อืบ มยูก เฌา ปี กรึบ เบ อี มูห รึอน เฆ ครีว, บ็อง เดณ เฆ ฮีน, เฮ เฆ มาว อี ตู นับ ดี โบง มาเซ, ตู ยึร มาเซ. แม ยี ตู วี อืบ มยูก เฌาพรา อี บัร อาซาก แม, อี แตห แม มึห พึอม บอ อึบ ปี โบง แม.

กาซัม แปะ ปี แดม ตี บอ ต็อห, ‘เมเน เมเน เดกาลา อูพาจีน’. ลอง ดาง อัน อึณ ปาย นี. ‘เมเน’ อึณ บอ เลห, เฌาพรา แฮะ ตีห ซีแง ดี โตต อาคราว มาน มืง ปี อึบ แม บอ อาคราว ดี ฮอต ดี หราย อัน. ‘เดกาลา’ อึณ บอ เลห, แม กาดูห ดี ซัะ แดง ลัะจู, อึณ แฮะ ลึห, แม แฮะ อึณจึร, ตู กาอาบ อึบ มืง. ‘อูพาจีน’ บอ เลห, บอ มาน มืง ปี อึบ แม, อึณ ดี กาย็อห กาเรห, กาดูห ดี กาซาง ดัว ดี เฆ ดูอี เมดี ฆาย ดูอี บีราซี.”