Popular Bible Verses from 2 ทม 4

Share

โอว มืร แฮะ โบง ฆาน โอว ปี ดา ซึก อี กยัะ ดี กาโฆห ดี รันซู. โอว มืร ปี ดูอี อี แฮะ กาแคณ กาแบลบ แคง บลอย. โอว แฮะ ฮอต ฌัม โดง กอย หล็อก อัน. โอว มืร แฮะ หณึม ซีคยา เซเซ.

โกบ อึณ ปาย ตี, โอว ดี ดัม แม, แตห แม กาลาง โฆรห เฌาพรา ดอ แฮะ ซังโดว บอ ดอ ตู ซังโดว. แตห แม จอย ดูอี, แกวะ แตห เฆ โบง ฮาว อี ตู หมึอม. แตห แม บอ บยัะ แปะ แฮะ กาลึบ เฆ บอ มาโนว แตห อึณ แบน โปลม แบน แฮณ ดี อี เฮา. แตห เฆ บอ คัม ดี ยืน เหลณ ดอ มาโนว ซีคยา แม ดี เฆ.

โคว, อาคราว ดี ตู โทม ดูอี นา มูห นา หมาน แฮะ กาตัด ดี ฌัม. โกบ ซี โดบ เฆ ปี อึง โดว บรีม เฆ, เฆ ดี บอ เหรต ดา ซารา แบน วี แบน วี ตัห มาโนว เฆ, แตห อึณ โดบ ปี ซี โทม เฆ, แตห อึณ กาล็อะ ดี เฆ. เฆ ดี บอ แวน ปี มาโนว นา มูห นา หมาน, วี โทม อาบึม อี ตู มูห ตู หมาน ปี แค อี เฮา.

อี มูห แม, แตห แม ซาดีก, เฌณฌา ซีคยา เซเซ. แตห แม คัม ดูก บอ กาลาง ลอง เฌา เยซู อี แตห น็อห ดูอี ดาคึย. แตห แม โบง ฆาน แม ตี, แตห อึณ กอ ฮอต โตต.

โคว, อาว เหลณ โอว ดี ปึอน รูห อัน อี ปี มังฆึม. มังฆึม ตี, เฌาพรา ดี ดัว ดี โอว ปัน ดี ฌัม ซีแง อัน. ดอ อัน ตี เฌาพรา ดี ต็อห, โอว แฮะ โบง ซืร ซืร หมาน หมาน เซเซ. อาว มูห อัน ดัว มังฆึม ตี มี ดี โอว. อัน ดี ดัว บอ ดี เฆ ดูอี ดอน อี, เฆ อี มึห น็อห ดีเกน อัน เฌา บอ หน็อะ อึณด็อะ ซีแง ดี วี ตัห อัน.