Popular Bible Verses from 2 ทล 2

Share

แกวะ แตห อาเซ ปึอน ดี กาโลว เบ. อาต ตัห เฌา เยซู ตี, อึณ ดี มึห ดูอี กืน อี ดี แวน เฌาพรา. อึณ ดี มึห บอ ดูอี อู วี อี ฮาย อี มืก, อี ดี โบง กาปยาต ลึร ดอน โมยว อัน ดี ตัห ดี อาต.

อึณ ยี มูห เบ บีนอง เย, อี มูห ดูอี ปี ร็อก เฌาพรา, เย ยี โลว ดาง ฆูง เฆฌู ดี เฌาพรา เซเซ โกบ เบ. โคว, ซีณ ดอ โฆว อัน, เฌาพรา แฮะ ร็อห เบ แตห อัน กอ ปึอน ดี คยอด เบ. น็อห พึอม เฌาพรา แฮะ โบง แตห เบ แบน ดูอี ซีงา บอด, แตห เบ บอ ปึอน ดี หณึม นา มูห นา หมาน.

อัน ดี โบง กาบัห โตต ดอน โมยว ปี ต็อห ดูอี อึณ มูห เฌาพรา. โดง กรึบ ซาคึร ดูอี มืร อัน ตู โรวเซ. อัน ดี ปีคึก อัน หลึอม โตต ดอน โมยว บอ ฮาว ลึบ แคง โฮว เฌาพรา, ต็อห อัน มูห เฌาพรา.

บอ เฌา เยซู อี มูห ดา กาณา อี อึบ เอ บอ เฌาพรา อี แฮะ ร็อก เอ, ฆาย แฮะ เฆฌู เอ, แฮะ ดัว ฆยามซา อี กอย เซเซ ดี เอ. เฌาพรา มืร แฮะ แตห เอ มึห ปี หน็อะ อึณด็อะ. เย ซาคึร, แตห เฌาพรา แตห เบ มึห น็อห ดาคึย บอ น็อห อี มัน ซีคยา, แตห เบ ปึอน ดี โบง นา บอด นา หมึอม ดอน โมยว, แตห เบ บอ นับ ดี กาลาง โฆรห อี บอด อี หมึอม ดอน แด.

โคว อัน ตี เฌาพรา มืร ดี ควาง แตห อี ตู หมาน ตี อึบ เฆ, แตห เฆ หณึม กาลึบ.

เซ อี ฮาย อี มืก ตี ฮี ตัห, อัน ดี แตห บอ ปวน โบว กานัม อึบ อัน, แตห อัน โบง อี หมึอม อาม แบน โมยว แบน โมยว อี ตู หมาน, แตห ดูอี กืน กาลึบ. อัน ดี โบง อี ตู หมึอม อี จีจีว ดอน โมยว, ปีหล็อก ดี ดูอี, แตห เฆ ชึม. ดูอี เฆ ตี, เฆ ดี ชึม โกบ ตู อึง เฆ นา มูห นา หมาน, ตู แตห อึณ คยอด เฆ.

โคว, อี ฮาย อี มืก ตี, อัน แฮะ ฮอต กาจูห ดี โบง ฆาน อัน, แกวะ แตห อี ยึร. อึณ ยี มึห อี แคร อี ฮาย อี มืก ตี. วี ตี ดี บอ แป ดี แคร แตห กอ ฌัม ปัน ดี ดึห แวน เฌาพรา อี แคร ตี.