Popular Bible Verses from 2 คูนดีคัม 2

Share

ดอ แฮะ ฮอต กาโลห ฆาย แบลง อึม ตึอน, อาเอลียา กาลาง ดี อาเอลีซา ต็อห, “เซ แม ซี หมาณ ดี โอว แฮะ ปึอน. อาต กาฆ็อห โอว ดี แม, โอว ดี ดัว.” อาเอลีซา วี หมาณ ต็อห, “แตห น็อห พึอม แม ซารา ตี กอย แคง น็อห โอว อา บูน.”

ดอ ลาย กามวน ฆาย ฮาว โดบ อึณเตณ ตี, อึณ บอ มึห ลักเลา ปี เงา, บอ อึณปร็อง ปี เงา ตัห กาปลูห บอ ดึห อาเอลียา, แตห ฆาย ลาย กาฆ็อห. อาเอลียา ตึอน บอ โฮะ โดบ คูน แคง ฆางหราว.

อาเอลียา วี ต็อห, “ปี หมาณ แม ตี อึณ หณาบ กาเซา. มาแล, เซ แม ฮี ยึร ดอ ฮาว โอว ตัะ แม, แม ดี ปึอน. เซ อาว ปาย ตี, แม ตู ปึอน.”

อัน บอ ดึห ฮึบ ปี ดัว อาเอลียา ดี อัน ตึอน, มัห แคง อึม ตี ต็อห, “แม เฌาพรา อี มูห เฌาพรา ปี กรึบ อาเอลียา, แม กอย ดี เหมา?” อัน แฮะ ฮอต มัห แคง อึม ตี, อึม บอ กาย็อห แบน อา บลาก. อัน บอ กาโลห.

อาเอลีซา ตึอน บอ ยึร แฮะ ปาย ตี อัน บอ แดะ ต็อห, “อึย ฆูณ โอว, อึย ฆูณ โอว. โอว บอ ยึร ลักเลา บอ อึณปร็อง ดูอี อีซาเรลัะ.” วาย ตี, อัน มืร อาว ฮู ปึอน ดี ยึร อาเอลียา ตึอน. อัน บอ บูต แวน ซีโตว อัน, กายาต โตต.

อาเอลียา บอ ดึห ฮึบ อัน บัน, บอ มัห โลง แคง อึม ตี. อึม บอ กาย็อห แบน อา บลาก. ฆาย บอ ปึอน ดี กาโลห ฮาว แดง กาดาย เฮณ.

วาย อัน ตี อึณ แฮะ กาตัด ดี ฌัม คราว ดี ดึห เฌาพรา อาเอลียา, แตห อัน โฮะ โดบ คูน แคง ฆางหราว. อาเอลียา ฆาย อาเอลีซา กาโดบ ฮาว เลห ดี มืง ฆีลัะฆา.