Popular Bible Verses from 1 คูนดีคัม 19

Share

วาย มาอีม เยณ ตึอน, ปี วี มึห เงา. เฌาพรา ยี ตู กอย แคง เงา. วาย เงา ตี ปี วี มึห โฆรห พูพาบ อึณจูะ อึณจัม.

อัน ยี ฮาว แคง แปร กาฮ็อห อาดา อู ซีแง. อัน บอ ฮาว ฌัม ครึม เฮ ราทาม, ตูต กอย ดี ตี, ซาคึร หมาณ ดี เฌาพรา ต็อห, “อึย แม เฌา, หมาณ แตห แม แตห โอว ยัม ดอ ตี นี. โอว แฮะ ปึร แบน ดูอี. แตห โอว ยัม. โอว มืร ตู หมึอม หลึอม เฆ ฆูณ ดัง โอว.”

เฌาพรา วี ต็อห ดี อัน, “แตห แม เลห นา เรต กาเดา มาว, จ็อง กอย ดี อาต โอว. แม ดี ยึร โอว ดอ ว็อะ ฮาว โอว นา อาต แม.” ปัน ตี อึณ บอ มึห คูน ตาง บูด. นอน ดาอาง มาว เฆ ตึอน บอ กาลาต แบน โบ็ง แบน โบ็ง อาต ตัห เฌาพรา. เฌาพรา ยี ตู กอย แคง คูน ตึอน. วาย คูน ตาง ตึอน ปี วี มึห มาอีม เยณ. เฌาพรา ยี ตู ตัห ดอ เยณ มาอีม ตี.

อาเอลียา บอ ยึร โฆรห ตี, อัน บอ ดึห ฮึบ, กาโหมะ ฆีณ อัน, เลห จ็อง บาง กาเดา มาว. ดอ อัน ตี อัน บอ ยึร โฆรห ตัห ต็อห ดี อัน, “มาเซ ปี โบง แม ดี นี?”

อัน บอ ลึบ ฮาว แคง กาเดา มาว, กอย ดี ตี. เฌาพรา วี ตัห ฌัม โดง กอย อัน, กาลาง โฆรห ดี อัน. เฌาพรา ต็อห, “อึย อาเอลียา, มาเซ ปี โบง แม ดี นี?”

อัน บอ วี ยีต โฮม ปอ อู เฌณ. ปี ดี โฮม ตี, แตห อึณ แบน โปลม แบน แฮณ ดี อัน, แตห อัน ปึอน ดี ฮาว คราว อึณเตณ อาดา พวน ฆึร ซีแง ดี พวน ฆึร หมึร. อัน กอ ฌัม ดี นอน โฮวเรบ อี มูห นอน โดง กอย เฌาพรา.

แฮะ ฮอต ซาคึร ปาย ตี อัน บอ ปึอน ดี อีด ครึม เฮ ราทาม ตึอน. ดอ อัน ตี อามู อามาด เฌาพรา บอ ตัห ดูห อัน. อัน ต็อห, “ยีต, โฮม ปี ดี โฮม แม.”

อามู อามาด เฌาพรา ตึอน ปี วี ตัห ปอ อู เฌณ, ดูห อัน, กาลาง ดี อัน ต็อห, “อึณเตณ โดง โลว ฮาว แม, อึณ ซี โต็ง กาเซา. แตห แม ยีต โฮม ปอ อึณ ปัว.”

อาเอลียา บอ วี ต็อห. “น็อห โอว แฮะ โฆยวฆยา ดี โบง แบน โมยว แบน โมยว, แตห เฆ ดูอี อีซาเรลัะ โดบ แม เฌาพรา. เฆ ยี แฮะ แวน ดารา แม เฌา. เฆ แฮะ ปยาต แวน บอ กาโช็ง หลู เฆ ดี แม เฌา. บอ ดูอี หลู ดี แม เฌา, เฆ แฮะ ง็อห แวน. อึณ ฆีด มี โอว อู วี. เฆ แฮะ เหรต บอ โอว แตห เฆ ปึอน ดี ง็อห.”

อาเอลียา วี บลาง งาย อัน, ยอด. อัน ยึร คามูน แฮะ ฮอต ตาด แดง เงา. บอ อึม อู กาเปา กอย นา แดง ฆีณ อัน. อัน บอ โฮม. แฮะ ฮอต, อัน ปี วี อีด.

นาง เยจาเบน บอ จัร ดาลาม อัน อู วี ฮาว โดง กอย อาเอลียา, กาลาง ดี อัน ต็อห, “แคหณา อาคราว นี, เซ โอว ตู โบง แตห แม ยัม ปี ดูอี แปะ แฮะ ง็อห แวน แม ตึอน, โอว ดี แตห เฌา ดอน กาดัง ดัม หมาบ ดี โอว.”

แคง ดูอี อีซาเรลัะ โอว ยี แตห อึณ ซี ฆีด บู แหรณ วี, เฆ ตู ดึอม ครึบเครา นา อาต เฌา บาลัะ บอ ตู ดึอม อูห อัน.”

เฌาพรา แฮะ ฮอต กาลาง โฆรห ดี อาเอลียา ตึอน, อัน บอ ยีต ดี ตี, ฮาว บอ กาตูณ อาเอลีซา อี มูห ฆอน อาซาพัด ตึอน. อาเอลีซา แฮะ ดึห มามัก, แท โดง นา อัน. อัน ฮาว โดบ มัก อี มูห ฆึร ดี อา ฆู ตึอน. อาเอลียา บอ ฮาว กาตัด อัน, บอ ดึห ฮึบ ดีพ็อะ ดี อัน.

อัน บอ ยีต โดง กอย อาเอลียา, วี เวณ. อัน บอ เวณ, ง็อห มัก อัน อู ฆู, อัน บอ ดึห ครึง แท อัน เฆ ตึอน, โดะ แตห อัน ปึอน ดี ดัง ยัง มัก อัน ตึอน. อัน บอ เบลห เฆ ดอน อี โฮม. อัน แฮะ ฮอต โบง ปาย ตี อัน บอ โดบ อาเอลียา ตึอน, บอ แบน แดเจณ อัน.

อาเอลีซา บอ เบลห อูน มัก อัน, บอ ฮาว โดบ อาเอลียา ตึอน. อัน วี หมาณ ดี อาเอลียา ต็อห, “แตห โอว ปึอน ดี เวณ อูห ปูต ฆูณ มา โอว อู กาจัน. แฮะ ฮอต, โอว ดี บอ โดบ แม ซารา.” อาเอลียา วี ต็อห ดี อาเอลีซา, “แตห แม เวณ. แม บอ วี ตัห, อาว ลืก.”