Popular Bible Verses from 1 คูนดีคัม 17

Share

เฌาพรา ปี กรึบ ดูอี อีซาเรลัะ อัน แฮะ ต็อห, “กาแปะ คามูน อี กอย แคง กาโละ ตึอน, อัน ตู นับ ดี โตต. บอ นามัน อี กอย แคง กาเปา ตึอน อึณ ตู นับ ดี โยม ดอ เหมา, แตห อึณ กอ ฌัม ซีแง ดี แตห เฌาพรา ฆลาย โจห.”

อึณ มึห ดูอี อู วี อัน ตัห มืง ทีซาบี อี กอย แคง กาดาย มืง ฆีเลอาด อี จืร อาเอลียา. อัน กาลาง โฆรห ดี คูนดีคัม อาฮับ ต็อห, “เฌาพรา อี อีม เซเซ ปี กรึบ เอ ดูอี อีซาเรลัะ, อัน บอ มูห เฌาพรา อี จัร โอว. โคว, เซ โอว ตู ต็อห แตห ฆลาย โจห นัม นี, ฆลาย มืร ตู โจห. อึม ดีงาน มืร ตู โจห.”

อาเอลียา วี ต็อห, “แกวะ แตห น็อห แม แหม. ฮาว โบง โดบ ปี ต็อห โอว ดี แม ตี. แตห แม โบง คามูน ดีแตด อาดา โอว ดี อาต, แตห แม บอ ดึห ตัห. วาย ตี แม บอ วี โบง อาดา บาย ฆอน แม.

ปัน ตี ยา ซีปรัห วี ต็อห ดี อัน, “เฌาพรา แฮะ นับ, โอว ตู กาโลว. โอว ตู มึห คามูน มาเซ, มึห มี กาแปะ ซี กอย แคง กาโละ. บอ นามัน ซี กอย แคง กาเปา อี แจก. โอว ดี ดึห เวณ เฮ คอ อี แจก, แตห โอว โบง คามูน กานาย ยาย ฆอน โอว. ยาย ฮี ฮอต โฮม, ยาย ดี ยัม.”

“แตห แม ยีต ฮาว ดี มืง จาเรพัด อี มูห แคง กาดาย มืง ซีโดน ตึอน. แตห แม ฮาว กอย ดี ตี. โอว แฮะ จัร ยา ซีปรัห อู วี อี กอย แคง มืง ตี, แตห อัน ลึมลา แม.”

บอ นามัน อี กอย แคง กาเปา ตึอน, อาว นับ ดี โยม. แฮะ หมาน แคะ ปี ต็อห เฌาพรา ดี อาเอลียา ตึอน.

อาเอลียา แฮะ ฮอต ต็อห ปาย ตี ยา ซีปรัห ตึอน บอ ฮาว โบง ปี ต็อห อาเอลียา ตึอน. บอ อาเอลียา บอ อึณโฮม ยา ซีปรัห ตึอน บอ ปึอน ดี โฮม เหลณ กาแปะ คามูน อี กอย แคง กาโละ ตึอน, อาว ฮู นับ ดี โตต.

อัน บอ ฮาว ดี มืง จาเรพัด ตี. ดอ ฮาว ฌัม อัน บาง มาโลห มืง ตี, อึณ มึห ยา ซีปรัห อู วี อี ดึห เฮ กาฮ็อห อี กอย ดี ตี. อัน บอ แดะ ยา ซีปรัห ตี ต็อห, “ดึห กาเปา อึม แม, แตห โอว เดียง คอ อี แจก.”

แม โลว เดียง อึม ดี แบลง ตี. โอว มืร แฮะ จัร มากาอัะ แตห เฆ ดึห ตัห ตึย ปี ดี โฮม ดี แม ดี ตี.”

ดอ ต็อห ยา ซีปรัห ดี ฮาว ดึห อึม ตี อัน ปี วี แดะ ปอ อู เฌณ, วี ต็อห, “แตห แม ดึห บอ คามูน คอ อี แจก ตัห.”

อึณ บอ มึห มากาอัะ, เฆ ดึห ตัห คามูน บอ ยัง ซีณวัห อู เฌณ บอ บา ดี อับ อู เฌณ. อี มูห อึม, อัน บอ เดียง ดี แบลง ตึอน.

วาย ตี โกบ ฆลาย ตู โจห ดี มืง ตี, อึม แคง แบลง ตี บอ ฮีด โตต.

ปาย ตี มา ฆอน ตึอน วี ต็อห, “ดอ ตี นี โอว แฮะ นับ, แม มูห ดา อี ปี ตึย เฌาพรา. บอ โฆรห เฌาพรา อี เลห แคง โมต แม ตี แฮะ หมาน อาคาคัร.”

อัน บอ ฮาว โบง โดบ ปี ต็อห เฌาพรา ตี. ปัน ตี อัน บอ ฮาว กอย โคบ ดีลัยะ อึม เครีด อี กอย นา ตัะ แบลง อึม ยอดาน ตึอน.

ปัน ตี เฌาพรา บอ ยึร โฆรห อาเอลียา ตึอน บอ แตห น็อห พึอม ฆอน อีมาย ตึอน วี ลึบ แคง โดว อัน. อาซาก อัน วี อีม ปี บรีม.