Popular Bible Verses from 1 ยฮ 1

Share

มาแล, เซ เอ กาลาง หมาบ เอ บอ หมาณ ดี บลัวะ แวน แคะ มึห เอ หมาบ, อัน เฌา อี มึห น็อห ซืร น็อห หมาน, อัน ดี ฆ็อห แวน โตต หมาบ เอ บอ แวน นา มืก ดอน โมยว แปะ แฮะ โบง เอ, แตห น็อห เอ ซีงา บอด.

มาแล, เซ เอ แฮะ กอย แคง บลาง ปี อัน เฌา แฮะ กอย แคง บลาง เซเซ, เอ มืร แฮะ ลาย กาล็อะ, ลาย แบน อู น็อห. เอ ยี แฮะ นับ, โกบ แฮะ คัม เฌา เยซู ดี ยัม กาดาง เอ, อัน ดี ฆ็อห แวน หมาบ เอ ดอน โมยว, แตห เอ วี ซีงา บอด.

เซ เอ ยี ต็อห, เอ ตู มึห หมาบ, เอ กาโลว โดว บรีม เอ. อี มูห อี หมาน มืร ตู กอย แคง น็อห เอ.

โฆรห แปะ แฮะ กาลาง เฌาพรา ดี เย, เย วี กาลาง ดี เบ. อึณ ต็อห, เฌาพรา ปี บลาง. อาว มึห อี อับ ว็อง มาเซ ดี อัน. ปาย ตี, เซ เอ ต็อห, บอ เอ บอ เฌาพรา แฮะ กอย กาฌูะ แบน อู น็อห, เซ เอ ยี ซี โบง แบน โมยว แบน โมยว โดบ อี อับ อี ว็อง, เอ กาโลว. เอ มืร ตู โบง นา มูห นา หมาน.

เซ เอ ยี ต็อห, เอ ตู มึห ดี โบง หมาบ, อึณ ปี เอ ต็อห, โฆรห เฌาพรา ตู หมาน. เซ อึณ ปาย ตี, โฆรห เฌาพรา มืร ตู ดึอม ลึบ แคง น็อห เอ.