Popular Bible Verses from SHINGRAN 22

Share

Ngai gaw Alhpa hte Omega, npawt nhpang mung, hpang jahtum mung rai nga nngai.”

“Madat u! ngai alawan du na ring ngai! Langai hte langai hpe tinang galaw sai amu hte maren htang jaw na shabrai ni hpe ngai hte rau la sa na nngai.

Dai Wenyi hte Num Ningnan gaw, “Sa rit!,” nga ma ai. Dai hpe na la ai wa kadai mung, “Sa rit!,” nga lu na rai nga ai. Hpang gara ai wa kadai mung sa ru ga; Asak ntsin hpe ra ai wa kadai mung, manu jahpu n hkrat ai kumhpa hku hkap la u ga.

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.

Madu Yesu gaw, “Madat u! Ngai alawan du na ring ngai! Ndai laika hta rawng ai myihtoi ga ni hpe madat mara hkan sa ai wa gaw a lu ai!,” nga nna ngai hpe tsun ai.

Dai mare hta shana mung n nga na ra ai; pyengdin a nhtoi mung, jan a nhtoi mung, shanhte n ra ma ai: hpa majaw nga yang, dai Madu Karai Kasang gaw shanhte hpe nhtoi jaw na mu ai; dai hta n ga, shanhte gaw, hkawhkam tai nna htani htana prat dingsa up nga lu na mara ai.

Ndai lam hte hpe sakse hkam ya ai wa gaw, “Kaja wa rai sai! Ngai alawan du na ring ngai!,” nga ai. Amen. Madu Yesu e yu wa rit law! Madu Yesu Hkristu a chyeju gaw, Karai Kasang a masha ni hte rau anga nga u ga law! Amen!

Ngai Yawhan gaw, ndai laika hta rawng ai myihtoi ga na lu ai ni yawng hte hpe laja lana sadi jaw dat nngai. Ndai ga ni hta lama ma kahtap jat ai wa kadai hpe mung, ndai laika hta rawng ai ari zinli ni hpe Karai Kasang gaw dai wa a ntsa e kahtap jaw na ra ai. Ndai laika hta rawng ai myihtoi ga ni hta na lama ma shaw kau ai wa kadai hpe mung, ndai hta ka da ai asak jahkrung ai hpun a asi sha lu na ahkang hte Chyoi Pra san seng ai Mare de shang sha lu na ahkang chyeju hpe, Karai Kasang shaw kau ya na ra ai.