Popular Bible Verses from SHINGRAN 12

Share

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.

Dai hpang sumsing lamu kata na nsen kaba gaw, “Ya anhte a Karai Kasang a hkye hkrang la ai lam du ra ai! Ya Karai Kasang gaw hkawhkam rai nga ai lam shi a atsam madun dan nu ai! Ya shi a Meshia gaw shi a daru magam ahkang aya hpe madun dan nu ai! Hpa majaw nga yang, anhte a hpu nau ni hpe, shani shana anhte a Karai Kasang a man e mara shagun, jahte tam ai wa hpe sumsing lamu kata kaw nna jahkrat kau ai hkrum nu ai.

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

Dai re ai majaw, sumsing lamu ni hte dai hta rawng nga ai ni e, kabu gara nga mu! Rai ti mung, ginding aga hte nammukdara chyawm gaw dingnye lu ma ai. Hpa majaw nga yang, nat gaw, shi a aten nhtoi loi sha ngam sai hpe chye wu ai majaw, n yun bu let nanhte hpang de yu wa sai,” nga nna tsun ma ai hpe ngai na nngai.

Dai hpang sumsing lamu hta e majan byin nga ai. Mihkaela hte shi a lamu kasa ni gaw, dai baren numraw hte gasat hkat nga ma ai; dai baren numraw mung shi a ali ama ni hte bai nhtang gasat ma ai.

Dai shaloi, baren numraw gaw dai numsha a lam sindawng kahtet nna, numsha a ngam nga ai aru arat ngu ai Karai Kasang a hkang da ai ga hkan nang ai hte Madu Yesu shadan dan ai teng man ai mungga hta kangka ai hte hkan sa ai ni nlang hte hpe gasat kau na matu pru sa mat wa ai.

Dai hpang lamu kata hta e mauhpa lamik kumla kaba langai mi dan pru wa ai. Numsha langai mi gaw jan lawai nna shata kabye ai hte, shagan shi lahkawng kap ai janmau gup tawn da nga ai. Shi gaw na-um nasin rai nna, shangai na matu shinggyim machyi ai majaw grai jahtau hkrap nga ai.

Shaloi dai numsha gaw, masha amyu baw yawng hpe hpri sumdoi hte up na ra ai shadang sha shangai wu ai. Rai ti mung, shi a kasha hpe Karai Kasang a man de mung, shi a tingnyang man de mung, gare shalun la wu ai. Dai numsha gaw, shi a matu Karai Kasang lajang da ya ai nam mali de hprawng mat wa ai. Dai shara hta nhtoi 1,260 ya du hkra shi hpe bau maka na maru ai.

Bai kaga mauhpa lamik kumla kaba langai mi lamu kata e dan pru wa ai. Baw sanit tu nna, nrung shi tu ai hkyeng ai baren numraw kaba langai mi gaw, shi a baw ni hta janmau langai hpra gup da nga ai. Shi gaw lamu kata na shagan ni a htam masum na htam mi hpe shi a nmai hte magawn la nna, ga de kabai jahkrat kau dat wu ai. Baren numraw gaw, ma shangai hkyen nga ai numsha a man e tsap let, dai numsha ma shangai dat ai hte rau, ma hpe mayu sha kau na matu la nga ai.

Dai shaloi numsha gaw, baren numraw a hpyen kaw na lawt lu nna, nam mali na shi a shara de pyen wa lu na matu langda kaba a singkaw lahkawng shi hpe jaw dat wu ai. Shi gaw dai shara e masum ning e shata kru baren numraw a hpyen hpe n hkrit ra ai sha bau lanu lahku ai hkrum na rai nga ai. Baren numraw gaw, dai numsha hpe hka hpungla hte shayawng kau lu na matu, shi a n-gup hta na hka hpe hka nu zawn, dai numsha hpang de kawut shalwi dat wu ai. Rai ti mung lamu ga chyawm gaw dai numsha hpe karum ya wu ai; lamu ga gaw shi a n-gup mahka nna, dai baren numraw a n-gup hta na shalwi dat ai hka nu hpe mayu kau ya wu ai.