Popular Bible Verses from GA SHAGAWP 6

Share

Dai MADU n dawng n yawt ai hte n hkam sharang lu ai lam, amyu sanit nga nga ai; dai ni gaw gumrawng gumtawng ai myi man nsam, masu magaw ga tsun ai shinglet, mara n kap ai wa hpe sat kau ai lata, n hkru n kaja ai hpe maw mawn hpaji daw ai myit masin, kajam kalam galaw na, lawan ai lagaw, masu ga langai hpang langai tsun nna sakse hkam ai wa, manaw manang shada da a lapran e, ru yak tsin-yam hpe shalut kabrawng ya ai wa rai nga ai.

Lagawn ai masha ni gaw kagyin ni a sat lawat hpe sharin la na mai ang nga ai.

Shi gaw, “Ngai hkring mi naw yup la na nngai, lata hkintum kau nna, hkring mi naw gan hkring la na nngai,” nga nna tsun nga ai. Rai ti mung, shi yup pyaw nga ai aten hta damya hkrum na ra ai.

Sha e, nwa a tsun matsun ai ga hpe hkan galaw nga u; nnu a sharin shaga ai ga hpe mung, galoi mung hkum malap kau et. Shanhte a matsun maroi ga ni hpe tut nawng e, nang hte rau na a myit masin hta kyem mazing bang da u.