Popular Bible Verses from HPILIPI 4

Share

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

Shaloi masha a chye chyang ai nyan hta grau lai ai Karai Kasang a ngwi pyaw ai gaw nanhte a kraw lawang ni hte myit masin ni hpe Hkristu Yesu hta e bau sin na ra ai.

Hpu nau ni e, hpungdim hku nna tsun ga nga yang, nanhte gaw hpa teng man ai lam rai ti mung, hpa ding hpring ai lam rai ti mung, hpa san seng ai lam rai ti mung, hpa sharawng awng hpa lam rai ti mung, hpa sha-a ram ai lam rai ti mung, a rawng re ai lam lama ma, shakawn kungdawn re ai lam lama ma rai nga yang gaw dai lam hte hpe myit sumru yu nga mu.

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

Dai rai nna nye a Karai Kasang chyawm gaw, hpung shingkang hte sut gan n taw n tsang lu su nga ai hte maren nanhte hpe Hkristu Yesu a marang e nanhte a ra mara hte hpe jahkum shatsup jaw ya na marin dai.

Nye a ga ni hte galaw shamu shamawt ai lam ni hpe mu yu, na yu nna sharin la ai hte hkap la hkan galaw nga mu; shaloi ngwi pyaw ai a npawt Karai Kasang gaw nanhte hte rau anga nga na ra ai.

Nanhte a sumnung shingdi ai myit hpe masha yawng a man e madun dan mu. Dai Madu du sa na ten ni magang ra ai.

Ra kadawn ai ten hpe gara hku hkap hkrum manga kau na hpe ngai chye nngai; ra ai hta jan nna n taw n tsang lu ai ten hta gara hku nga na hpe mung ngai chye nngai. Lam shagu hte shara shagu hta, hpring tsup hkru kat na hte kawsi hpang gara hkrum na ten ni hta mung, n taw n tsang lu ai ten hte kadawn kata hkrum ai ten hta mung, myit pyaw myit dik let nga lu shangun ai makoi magap da ai hpaji hpe ngai sharin la lu se ai.

Shing nga nna ngai tsun nngai gaw nanhte ngai hpe ra kadawn mat hkra n yu, n gawn mat manit dai ngu nna myit hta hkam sha ai majaw tsun nga nngai n rai. Hpa majaw nga yang ngai gaw tinang hta lu ai mi hte myit dik let nga chye na lam hpe sharin la tawn ni ai.