Popular Bible Verses from BU HKAWM 21

Share

Dai hpang dai MADU gaw Mawshe hpe nhprang arai hte galaw ai lapu langai mi galaw nna hpun shadaw ntsa e sharawt tawn na tsun wu ai. Lapu achye hkrum ai ni kadai mung dai hpe mada yu nna shamai shatsai ai hkrum na rai ma ai.

Dai rai nna Mawshe mung magri mang lapu langai mi galaw nhtawm hpun shadaw langai a ntsa e sharawt tawn da wu ai. Shing rai lapu achye hkrum ai ni kadai mung dai magri mang lapu hpe mada yu nna shamai shatsai ai hkrum ma ai.

Shanhte gaw, “Lusha mung, hka mung n nga ai ndai nam mali hkan e si mat na matu nang anhte hpe hpa majaw Egutu mung kaw na woi wa nga n ni? Ndai asit awat nga ai lusha hpe anhte kachyi mi pyi n kam sha mat saga ai!,” ngu nna aput ma ai.

Dai hpang dai MADU gaw amyu masha ni a lapran de atuk rawng ai lapu ni hpe shangun dat wu ai. Israela masha law law hte gaw achye hkrum ai hte si mat ma ai.

Amyu masha ni mung Mawshe hpang de sit sa nhtawm, “Anhte gaw dai MADU hte nang hpe nhtan shai ai hku tsun kau saga ai majaw yubak galaw kau saga ai. Ndai lapu ni hpe la kau ya na dai MADU hpe ya jang hpyi nem ya mi,” ngu nna tsun ma ai. Dai rai nna Mawshe gaw amyu masha ni a matu hpyi nem ya wu ai.